Búgin Túrkistan qalasynda 1 maýsym – Halyqaralyq balalardy qorǵaý kúnine orai «Baltańdai» oblystyq balalar óner festivali bastaldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńirdiń barlyq aýdan-qalasynan kelgen 9-15 jas aralyǵyndaǵy jas órender eki kún boiy án, bi, sýret, terme, drama baǵyty boiynsha saiysady.
Festival – ónerge beiimi bar balalardyń shyǵarmashylyǵyn qoldaý, olardyń talantyn kópshilikke tanytý jáne rýhani damýyna múmkindik jasaýǵa baǵyttalǵan. Baiqaýdyń ádil ári kásibi deńgeide ótýin qamtamasyz etý maqsatynda qazylar alqasy quramyna óner men mádeniet salasynda tájiribesi mol, bedeldi mamandar tartylǵan.
Aita keteiik, búgin tańnan bastap «Farab» kitaphanasynda sýret, terme jáne drama janrlary boiynsha baiqaý ótip jatyr. Al, erteń 28 mamyr kúni «Kerýen sarai» kesheninde qatysýshylar án jáne bi janrlarynda baq synaidy.
