بۇگىن تۇركىستان قالاسىندا 1 ماۋسىم – حالىقارالىق بالالاردى قورعاۋ كۇنىنە وراي «بالتاڭداي» وبلىستىق بالالار ونەر فەستيۆالى باستالدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءوڭىردىڭ بارلىق اۋدان-قالاسىنان كەلگەن 9-15 جاس ارالىعىنداعى جاس ورەندەر ەكى كۇن بويى ءان، بي، سۋرەت، تەرمە، دراما باعىتى بويىنشا سايىسادى.
فەستيۆال – ونەرگە بەيىمى بار بالالاردىڭ شىعارماشىلىعىن قولداۋ، ولاردىڭ تالانتىن كوپشىلىككە تانىتۋ جانە رۋحاني دامۋىنا مۇمكىندىك جاساۋعا باعىتتالعان. بايقاۋدىڭ ءادىل ءارى كاسىبي دەڭگەيدە ءوتۋىن قامتاماسىز ەتۋ ماقساتىندا قازىلار القاسى قۇرامىنا ونەر مەن مادەنيەت سالاسىندا تاجىريبەسى مول، بەدەلدى ماماندار تارتىلعان.
ولار ءار قاتىسۋشىنىڭ ورىنداۋشىلىق شەبەرلىگىنە، ساحنالىق مادەنيەتىنە، تاقىرىپتى اشۋ دەڭگەيىنە جانە كوركەمدىك مازمۇنىنا ءجىتى ءمان بەرە وتىرىپ، بايقاۋ تالاپتارىنا ساي باعالايدى.
ايتا كەتەيىك، بۇگىن تاڭنان باستاپ «فاراب» كىتاپحاناسىندا سۋرەت، تەرمە جانە دراما جانرلارى بويىنشا بايقاۋ ءوتىپ جاتىر. ال، ەرتەڭ 28 مامىر كۇنى «كەرۋەن ساراي» كەشەنىندە قاتىسۋشىلار ءان جانە بي جانرلارىندا ب ا ق سىنايدى.
