Eldi mekenderdiń áleýmettik-ekonomikalyq damýyna naqty keshendi shara qabyldaý maqsatynda QR Ulttyq ekonomika ministrligi «Aýyl amanaty» jáne «Aýyl – El besigi» jobalaryn biriktirýdi usyndy. Túrkistan oblysy ákimdigi tarapynan bul baǵyttaǵy jumystar saralanyp, usynystar engizildi,- dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy aýmaǵynda jalpy 800 aýyldyq eldi meken ornalasqan. Onda 1,6 mln. adam nemese halyqtyń 75 %-y turady.
Óńirde «Aýyl – El besigi» jobasy arqyly 602 aýyldyq eldi mekendi jańǵyrtýdan ótkizý josparlanǵan. Joba aiasynda bes jylda 113,2 mlrd. teńge qarjy bólinip, 1 567 joba júzege asty. 173 áleýmettik jáne 104 infraqurylymdyq nysandar salynyp, 1 571 ishki kósheler ortasha jóndeýden ótti. Nátijesinde, 328 eldi meken qajetti infraqurylymmen qamtylyp, 10 myńǵa jýyq jańa jumys orny ashyldy. Biyl jańa 52 aýyldy jańǵyrtý josparlanyp otyr.
Odan bólek, «Aýyl amanaty» jobasy arqyly jergilikti turǵyndardyń jaǵdaiyn jaqsartý, kásip bastaýǵa qoldaý kórsetý kózdelgen. Eki jylda Túrkistan oblysynda jobany júzege asyrýǵa 22,8 mlrd.teńge bólindi. Nátijesinde, 3 293 joba qarjylandyrylyp, 3 665 jańa jumys orny quyldy. Biyl 7,4 mlrd.teńgege 1 097 jobany iske asyrý kózdelgen. Nátijesinde, 1 192 jańa jumys orny ashylmaq.
Joba sheńberinde damý áleýeti bar eldi mekenderdiń tizbesin aiqyndaý ólshemsharty qaita qaralyp, óńirdegi damý áleýeti joǵary eldi mekender qosymsha qamtylmaq. Jalpy, bul baǵdarlamada aýyldardy damytýǵa qatysty baǵdarlamalar men jobalar biriktirilip, jan-jaqty qoldaý kúsheitiledi.
Aita keteiik, Túrkistan oblysynda atalǵan jobalardy iske asyrý tájiribesi eki jobany biriktirý barysynda qoldanylmaq.
