Nátijesinde, ósimdik sharýashylyǵynda óndirilgen ónim 3 esege artyp, 842,7 mlrd. teńgege jetetin bolady. 2017 jyly bul kórsetkish 264,4 mlrd. teńgeni quraǵan.
2022 jylǵa qarai Túrkistan oblysyndaǵy aýyl sharýashylyǵy óniminiń eksport kólemi 2,5 esege artady. Memleket basshysy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa arnaǵan Joldaýynda belgilengen mindetterdiń údesinen shyǵý maqsatynda
«Túrkistan oblysynda agroónerkásiptik keshenin damytýdyń óńirlik baǵdarlamasy» ázirlendi.
Oblys ákimi Janseiit Túimebaevtyń tóraǵalyǵymen ótken basqosýda aýyl sharýashylyǵy basqarmasynyń basshysy Nurbek Badyraqov atalǵan baǵdarlama aiasynda atqarylyp jatqan jumystardy baiandady.
«Óńirdegi agroónerkásiptik keshenin damytýdyń 19 basym baǵyty aiqyndalyp otyr. Bul jumystar egin, mal, qaita óńdeý salalary boiynsha júzege asyrylatyn bolady. Eńbek ónimdiligi 2017 jyly 1,76 mln. teńgege jetken. Jospar júzege asqanda kórsetkish 2022 jylǵa qarai 4,4 mln. teńgege artady. Aýyl sharýashylyǵyndaǵy jalpy ónim kólemi 482,3 mlrd. teńgeden 1225,0 mlrd.teńgege ulǵaiady. Al, agroónerkásiptik kesheninde óńdelgen ónim eksporty 231,5 mln. AQSh dollarynan 578,8 mln. AQSh dollaryna jetedi», – dedi Nurbek Badyraqov.
Baǵdarlama aiasynda egistik jerlerdi tiimdi paidalaný jáne ártaraptandyrý sharalary qolǵa alynbaq. Osynyń negizinde egis kólemi 798 myń gektardan 926 myń gektarǵa artady dep kútilýde.
Nátijesinde, ósimdik sharýashylyǵynda óndirilgen ónim 3 esege artyp, 842,7 mlrd. teńgege jetetin bolady. 2017 jyly bul kórsetkish 264,4 mlrd. teńgeni quraǵan.
Jalpy oblysta 8 mal bordaqylaý alańy jumys isteidi. 2027 jylǵa deiin qosymsha siymdylyǵy 105,0 myń bastyq 26 jańa mal bordaqylaý alańdaryn salý josparlanyp otyr.
Bordaqylaý alańdaryn buqashyqtarmen qamtamasyz etý úshin búginde 2 413 sharýashylyq 103,6 myń baspen tuqymdyq túrlendirilýde. Aldaǵy ýaqytta qosymsha 3 000 sharýashylyq ashylyp, 150,0 myń bas analyq iri qara mal satyp alynatyn bolady.
Jiyndy qorytyndylaǵan aimaq basshysy jaýapty mamandarǵa atalǵan baǵdarlamany negizge ala otyryp, aýdan, qalalardaǵy aýyl sharýashylyǵy salasyn damytý boiynsha aimaqtyq jospar bekitýdi, joba aiasynda investitsiia tartý jumystaryn qolǵa alýdy tapsyrdy.
