ناتيجەسىندە، وسىمدىك شارۋاشىلىعىندا وندىرىلگەن ءونىم 3 ەسەگە ارتىپ، 842،7 ملرد. تەڭگەگە جەتەتىن بولادى. 2017 جىلى بۇل كورسەتكىش 264،4 ملرد. تەڭگەنى قۇراعان.
2022 جىلعا قاراي تۇركىستان وبلىسىنداعى اۋىل شارۋاشىلىعى ءونىمىنىڭ ەكسپورت كولەمى 2،5 ەسەگە ارتادى. مەملەكەت باسشىسى نۇرسۇلتان نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى حالىققا ارناعان جولداۋىندا بەلگىلەنگەن مىندەتتەردىڭ ۇدەسىنەن شىعۋ ماقساتىندا
«تۇركىستان وبلىسىندا اگروونەركاسىپتىك كەشەنىن دامىتۋدىڭ وڭىرلىك باعدارلاماسى» ازىرلەندى.
وبلىس اكىمى جانسەيىت تۇيمەبايەۆتىڭ توراعالىعىمەن وتكەن باسقوسۋدا اۋىل شارۋاشىلىعى باسقارماسىنىڭ باسشىسى نۇربەك بادىراقوۆ اتالعان باعدارلاما اياسىندا اتقارىلىپ جاتقان جۇمىستاردى باياندادى.
«وڭىردەگى اگروونەركاسىپتىك كەشەنىن دامىتۋدىڭ 19 باسىم باعىتى ايقىندالىپ وتىر. بۇل جۇمىستار ەگىن، مال، قايتا وڭدەۋ سالالارى بويىنشا جۇزەگە اسىرىلاتىن بولادى. ەڭبەك ونىمدىلىگى 2017 جىلى 1،76 ملن. تەڭگەگە جەتكەن. جوسپار جۇزەگە اسقاندا كورسەتكىش 2022 جىلعا قاراي 4،4 ملن. تەڭگەگە ارتادى. اۋىل شارۋاشىلىعىنداعى جالپى ءونىم كولەمى 482،3 ملرد. تەڭگەدەن 1225،0 ملرد.تەڭگەگە ۇلعايادى. ال، اگروونەركاسىپتىك كەشەنىندە وڭدەلگەن ءونىم ەكسپورتى 231،5 ملن. اقش دوللارىنان 578،8 ملن. اقش دوللارىنا جەتەدى»، – دەدى نۇربەك بادىراقوۆ.
باعدارلاما اياسىندا ەگىستىك جەرلەردى ءتيىمدى پايدالانۋ جانە ءارتاراپتاندىرۋ شارالارى قولعا الىنباق. وسىنىڭ نەگىزىندە ەگىس كولەمى 798 مىڭ گەكتاردان 926 مىڭ گەكتارعا ارتادى دەپ كۇتىلۋدە.
ناتيجەسىندە، وسىمدىك شارۋاشىلىعىندا وندىرىلگەن ءونىم 3 ەسەگە ارتىپ، 842،7 ملرد. تەڭگەگە جەتەتىن بولادى. 2017 جىلى بۇل كورسەتكىش 264،4 ملرد. تەڭگەنى قۇراعان.
جالپى وبلىستا 8 مال بورداقىلاۋ الاڭى جۇمىس ىستەيدى. 2027 جىلعا دەيىن قوسىمشا سيىمدىلىعى 105،0 مىڭ باستىق 26 جاڭا مال بورداقىلاۋ الاڭدارىن سالۋ جوسپارلانىپ وتىر.
بورداقىلاۋ الاڭدارىن بۇقاشىقتارمەن قامتاماسىز ەتۋ ءۇشىن بۇگىندە 2 413 شارۋاشىلىق 103،6 مىڭ باسپەن تۇقىمدىق تۇرلەندىرىلۋدە. الداعى ۋاقىتتا قوسىمشا 3 000 شارۋاشىلىق اشىلىپ، 150،0 مىڭ باس انالىق ءىرى قارا مال ساتىپ الىناتىن بولادى.
جيىندى قورىتىندىلاعان ايماق باسشىسى جاۋاپتى ماماندارعا اتالعان باعدارلامانى نەگىزگە الا وتىرىپ، اۋدان، قالالارداعى اۋىل شارۋاشىلىعى سالاسىن دامىتۋ بويىنشا ايماقتىق جوسپار بەكىتۋدى، جوبا اياسىندا ينۆەستيسيا تارتۋ جۇمىستارىن قولعا الۋدى تاپسىردى.
