Túrkistanda halyqty qoljetimdi baǵadaǵy azyq-túlikpen qamtamasyz etý maqsatynda áleýmettik mańyzy bar azyq-túlik jármeńkesi ótti. Bul shara jergilikti turǵyndarǵa sapaly ári arzan ónimderdi usynýǵa baǵyttalǵan, dep habarlaidy Dalanews.kz
Jármeńkede óńir kásipkerleri belsene qatysyp, qala turǵyndaryna óz ónimderin arzan baǵaǵa usynýda. Mundai jármeńkeler baǵany turaqtandyrýǵa jáne halyqtyń azyq-túlikke jumsaityn shyǵyndaryn azaitýǵa yqpal etedi.
«Jármeńkede turaqtandyrý qorynyń ónimderi naryqtaǵy baǵadan 30–50 paiyzǵa tómen baǵada satylýda. Munda et-sút ónimderi jáne kúndelikti tutynatyn negizgi azyq-túlikter turǵyndarǵa tikelei óndirýshilerden jetkizilýde. Jármeńkeniń basty maqsaty – turǵyndardy sapaly ári qoljetimdi ónimdermen qamtý, sondai-aq jergilikti sharýalardyń ónimin tutynýshyǵa tikelei jetkizý», - dedi «Túrkistan» ÁKK» AQ turaqtandyrý qory departamentiniń direktory Laýra Janasbaeva.
Jármeńke turǵyndar arasynda úlken qyzyǵýshylyq týdyryp, kóptegen azamattar ózderine qajetti sapaly ónimderdi qoljetimdi baǵamen satyp alǵandaryna rizashylyqtaryn bildirdi. Aldaǵy ýaqytta mundai sharalardy turaqty túrde ótkizý josparlanyp, 3-qazan kúni Sairam jáne Otyrar aýdany kásipkerderiniń aýylsharýashylyq ónimderiniń jármeńkesi «Birlik» sektorynda uiymdastyrylmaq.
