Túrkistan qalasynda taǵy 4 jańa áleýmettik dúken ashylyp, qaladaǵy áleýmettik dúkender sany 30-ǵa jetti. Ǵimarattar jeke kásipkerlerdiń qarajaty esebinen salynyp, igi bastama «Túrkistan» áleýmettik-kásipkerlik korporatsiiasy» AQ-men seriktestikte júzege asyrylýda,- dep habarlaidy Dalanews.kz
Búginde jumysyn bastaǵan áleýmettik dúkenderge turaqtandyrý qorynyń ónimderi jetkizilip, belgilengen baǵada halyqqa usynylyp jatyr.
– Túrkistan oblysynda 39 áleýmettik dúken bar. Onyń 7-eýi Kentaý qalasynda bolsa, 2-eýi Arys qalasynda, 30-y Túrkistanda ornalasqan. Árbir áleýmettik dúken kólemi – 50 sharshy metr. Budan bólek, iri saýda úilerinde jáne 25 saýda orynda áleýmettik buryshtar qarastyrylǵan. Óńirdegi taýar óndirýshilermen tyǵyz jumys istep, atalǵan dúkenderge qajet ónimderdi jetkizýdi uiymdastyryp kelemiz. Munda turǵyndar kúndelikti tutynatyn 19 túrli taýar arnaiy qoljetimdi baǵada satylýda. Iaǵni, 40-50%-ǵa deiin tómen baǵada usynylýda. Azyq-túlik baǵalaryn turaqtandyrý jáne áleýmettik dúkender sanyn arttyrý boiynsha jumystar jalǵasady, - dedi «Túrkistan» ÁKK» AQ Turaqtandyrý qory departamentiniń direktory Laýra Janasbaeva.
Áleýmettik dúkender Jańa qala shaǵyn aýdanynda boi kótergen. Meken-jailary:
- 9-kóshe №20/3;
- 11-kóshe | №14/1;
- 24-kóshe №12/1;
- 24-kóshe №16/1
Áleýmettik dúkenderdegi túrli taýardyń 2025 jylǵy tamyz aiyna bekitilgen baǵalary:
- Nan bólkesi – 70 tg;
- As tuzy – 45 tg;
- Taýyq jumyrtqasy - 40 tg;
- Qyryqqabat - 65 tg;
- Piiaz - 85 tg;
- Sábiz - 110 tg;
- Kartop - 130 tg;
- Qaraqumyq jarmasy - 180 tg;
- 1 surypty bidai uny - 190 tg;
- Rojki - 260 tg;
- Tazartylǵan kúrish - 350 tg;
- Qant-sheker - 390 tg;
- Pasterlengen sút (mailylyǵy 2.5%) - 370 tg;
- Airan mailylyǵy 2,5% - 370 tg;
- Kúnbaǵys maiy - 550/585 tg;
- Taýyq eti - 970 tg;
- Súzbe (mailylyǵy 5-9%) - 1300 tg;
- Siyr eti - 2000 tg;
- Sary mai (72,5% mailyǵynan tómen emes) - 2300 tg.
