تۇركىستان قالاسىندا تاعى 4 جاڭا الەۋمەتتىك دۇكەن اشىلىپ، قالاداعى الەۋمەتتىك دۇكەندەر سانى 30-عا جەتتى. عيماراتتار جەكە كاسىپكەرلەردىڭ قاراجاتى ەسەبىنەن سالىنىپ، يگى باستاما «تۇركىستان» الەۋمەتتىك-كاسىپكەرلىك كورپوراسياسى» اق-مەن سەرىكتەستىكتە جۇزەگە اسىرىلۋدا،- دەپ حابارلايدى Dalanews.kz
بۇگىندە جۇمىسىن باستاعان الەۋمەتتىك دۇكەندەرگە تۇراقتاندىرۋ قورىنىڭ ونىمدەرى جەتكىزىلىپ، بەلگىلەنگەن باعادا حالىققا ۇسىنىلىپ جاتىر.
– تۇركىستان وبلىسىندا 39 الەۋمەتتىك دۇكەن بار. ونىڭ 7-ەۋى كەنتاۋ قالاسىندا بولسا، 2-ەۋى ارىس قالاسىندا، 30-ى تۇركىستاندا ورنالاسقان. ءاربىر الەۋمەتتىك دۇكەن كولەمى – 50 شارشى مەتر. بۇدان بولەك، ءىرى ساۋدا ۇيلەرىندە جانە 25 ساۋدا ورىندا الەۋمەتتىك بۇرىشتار قاراستىرىلعان. وڭىردەگى تاۋار وندىرۋشىلەرمەن تىعىز جۇمىس ىستەپ، اتالعان دۇكەندەرگە قاجەت ونىمدەردى جەتكىزۋدى ۇيىمداستىرىپ كەلەمىز. مۇندا تۇرعىندار كۇندەلىكتى تۇتىناتىن 19 ءتۇرلى تاۋار ارنايى قولجەتىمدى باعادا ساتىلۋدا. ياعني، 40-50%-عا دەيىن تومەن باعادا ۇسىنىلۋدا. ازىق-تۇلىك باعالارىن تۇراقتاندىرۋ جانە الەۋمەتتىك دۇكەندەر سانىن ارتتىرۋ بويىنشا جۇمىستار جالعاسادى، - دەدى «تۇركىستان» اكك» اق تۇراقتاندىرۋ قورى دەپارتامەنتىنىڭ ديرەكتورى لاۋرا جاناسبايەۆا.
الەۋمەتتىك دۇكەندەر جاڭا قالا شاعىن اۋدانىندا بوي كوتەرگەن. مەكەن-جايلارى:
- 9-كوشە №20/3؛
- 11-كوشە | №14/1؛
- 24-كوشە №12/1؛
- 24-كوشە №16/1
الەۋمەتتىك دۇكەندەردەگى ءتۇرلى تاۋاردىڭ 2025 جىلعى تامىز ايىنا بەكىتىلگەن باعالارى:
- نان بولكەسى – 70 تگ؛
- اس تۇزى – 45 تگ؛
- تاۋىق جۇمىرتقاسى - 40 تگ؛
- قىرىققابات - 65 تگ؛
- پياز - 85 تگ؛
- ءسابىز - 110 تگ؛
- كارتوپ - 130 تگ؛
- قاراقۇمىق جارماسى - 180 تگ؛
- 1 سۇرىپتى بيداي ۇنى - 190 تگ؛
- روجكي - 260 تگ؛
- تازارتىلعان كۇرىش - 350 تگ؛
- قانت-شەكەر - 390 تگ؛
- پاستەرلەنگەن ءسۇت (مايلىلىعى 2.5%) - 370 تگ؛
- ايران مايلىلىعى 2،5% - 370 تگ؛
- كۇنباعىس مايى - 550/585 تگ؛
- تاۋىق ەتى - 970 تگ؛
- سۇزبە (مايلىلىعى 5-9%) - 1300 تگ؛
- سيىر ەتى - 2000 تگ؛
- سارى ماي (72،5% مايلىعىنان تومەن ەمەس) - 2300 تگ.
