Túrkistan qalasynda jol qaýipsizdigin saqtaý jáne avtokólik keptelisin boldyrmaý maqsatynda politsiia basqarmasynyń jol jáne tehnikalyq inspektsiiasy toby ákimdikke 440 uiǵarym men 15 usynys hat joldaǵan. Sonymen qatar 2400 jol belgisi men 480 metr jol kedergisi ornatylǵan. Bul týraly Túrkistan qalalyq politsiia basqarmasynyń bastyǵy Jasulan Nysanbaev halyqqa esep berý jiynynda baiandady,- dep habarlaidy Dalanews.kz
Sharaǵa qala ákimi Ázimbek Pazylbekuly, prokýror Káýken Nárikbaev jáne turǵyndar men jeke quram qatysty.
Túrkistandyq tártip saqshylarynyń júieli júrgizgen sharalary nátijesinde ótken jyly aýyr jáne asa aýyr qylmystardyń ashylymy 88,9%-ǵa, bótenniń múlkin urlaý 92,3%-ǵa, páter urlyǵy 78,9%-ǵa, esirtki qylmysy 82,4%-ǵa jaqsarǵan.
Jiyn barysynda politsiia podpolkovnigi J.Nysanbaev azamattardyń saýaldaryna jaýap berip, usynys-pikirlerin tyńdady. Jurtshylyqpen qylmystardy boldyrmaý máselesin talqylady. Kezdesý sońynda turǵyndar politsiianyń jumysyna oń baǵasyn berip, aldaǵy jumystaryna sáttilik tiledi.
