تۇركىستان قالاسىندا جول قاۋىپسىزدىگىن ساقتاۋ جانە اۆتوكولىك كەپتەلىسىن بولدىرماۋ ماقساتىندا پوليسيا باسقارماسىنىڭ جول جانە تەحنيكالىق ينسپەكسياسى توبى اكىمدىككە 440 ۇيعارىم مەن 15 ۇسىنىس حات جولداعان. سونىمەن قاتار 2400 جول بەلگىسى مەن 480 مەتر جول كەدەرگىسى ورناتىلعان. بۇل تۋرالى تۇركىستان قالالىق پوليسيا باسقارماسىنىڭ باستىعى جاسۇلان نىسانبايەۆ حالىققا ەسەپ بەرۋ جيىنىندا باياندادى،- دەپ حابارلايدى Dalanews.kz
شاراعا قالا اكىمى ازىمبەك پازىلبەك ۇلى، پروكۋرور كاۋكەن نارىكبايەۆ جانە تۇرعىندار مەن جەكە قۇرام قاتىستى.
تۇركىستاندىق ءتارتىپ ساقشىلارىنىڭ جۇيەلى جۇرگىزگەن شارالارى ناتيجەسىندە وتكەن جىلى اۋىر جانە اسا اۋىر قىلمىستاردىڭ اشىلىمى 88،9%-عا، بوتەننىڭ مۇلكىن ۇرلاۋ 92،3%-عا، پاتەر ۇرلىعى 78،9%-عا، ەسىرتكى قىلمىسى 82،4%-عا جاقسارعان.
جيىن بارىسىندا پوليسيا پودپولكوۆنيگى ج.نىسانبايەۆ ازاماتتاردىڭ ساۋالدارىنا جاۋاپ بەرىپ، ۇسىنىس-پىكىرلەرىن تىڭدادى. جۇرتشىلىقپەن قىلمىستاردى بولدىرماۋ ماسەلەسىن تالقىلادى. كەزدەسۋ سوڭىندا تۇرعىندار پوليسيانىڭ جۇمىسىنا وڭ باعاسىن بەرىپ، الداعى جۇمىستارىنا ساتتىلىك تىلەدى.
