«Taza Qazaqstan» respýblikalyq ekologiialyq baǵdarlamasy aiasynda Ordabasy aýdanynda «Taza aýyl» ekoaktsiiasy ótti. Tazalyq sharasyna aýyl ákimderi, ziialy qaýym ókilderi, mekeme qyzmetkerleri, ardagerler men jastar, aýyl turǵyndary qatysty.
Senbilik barysynda aýdan ortalyǵy Temirlan aýylynda kóshelerdi tazalaý, kógaldandyrý, abattandyrý jáne qoqystardan tazartý jumystaryn júrgizdi. Budan bólek, aǵash túpterin ákteý, retsiz ósken buta men shópterdi jinaý jumystary atqaryldy. Jalpy senbilikke aýdan boiynsha 1 myńǵa jýyq adam men arnaiy tehnikalar jumyldyryp, 17 tonnaǵa jýyq qoqys jinaldy.
Sharaǵa qatysqan aýdandyq ardagerler keńesiniń tóraǵasy Bostandyq Bópeshbaiuly ordabasylyqtardy respýblikalyq ekosharany el bolyp qoldaýǵa shaqyrdy.
«Tazalyq – densaýlyq kepili, bereke bastaýy. Tazalyq bolǵan jerde qut pen yrys bar. «Aýylyna qarap azamatyn tany» demekshi, el týraly pikir onyń aýyl-aimaǵyna qarai aitylady. Ainalamyz taza, kórikti bolsa, biz týraly aitylar oi da jaqsy bolmaq. Sondyqtan óńirimizdi taza ustaiyq, lastamaiyq, óskeleń urpaqqa úlgi bolaiyq. Respýblikalyq bastamany birge qoldaiyq», - dedi aqsaqal.
Condai-aq, aýdandyq analar keńesiniń tóraiymy Záýre Ábish sharanyń mańyzdylyǵyna toqtaldy.
– Tazalyq – adamnyń rýhani, mádeni jetilý deńgeiiniń kórsetkishi. Qorshaǵan ortanyń tazalyǵyna jaýapkershilikpen qaraý, tabiǵatty taza ustaý - árbir azamattyń boryshy. Qazaq halqy «birinshi bailyq – densaýlyq» dep tekten tek aitpaǵan. Mine, sol densaýlyqtyń myqty bolýy tazalyqqa qatysty. Denniń saýlyǵy ár adam úshin qalai mańyzdy bolsa, tazalyq ta dál sondai mańyzdylyqqa ie bolý kerek.
Imanyńnyń jartysy bolǵan tazalyqty saqtaý ózińnen bastalady. Aýladaǵy qoqystardy shyǵarý, qoqysty kóshege tastamaý - eń aldymen tabiǵatqa, keiin aýdannyń kórkeiýine qosqan bir úles. Kóshedegi bei-bereket jatatyn qoqystar siz ben bizdiń densaýlyǵymyzǵa qanshalyqty keri áserin tigizip jatqanyn kóp jaǵdaida baiqai bermeimiz. Sondyqtan ainalamyzdy tazartyp, abattandyrýmen ainalysaiyq, – dedi ardaqty ana.
Qoǵamda ekologiialyq mádenietti qalyptastyrý men qorshaǵan ortany qorǵaýda «Úlgili aýla» jobasy aiasynda aýdandyq, aýyldyq óńirdegi belsendi azamattardyń bastamasymen kóshe boilary, úi aýlalary, kóp qabatty úilerdiń ainalasy turaqty túrde qoqystan tazartylýda.
Aita keteiik, oblysta «Taza Qazaqstan» tazalyq sharasy bastalǵaly ótkizilgen is-sharalarǵa 80 myńǵa jýyq erikti qatysqan. Sondai-aq, 17 aýdan, qala kóleminde 92 myńǵa jýyq aǵash kóshetteri jáne 10 myńǵa jýyq gúl otyrǵyzylyp, 1 174 tonna qoqys shyǵarylǵan. Sonymen qatar, 198 kieli-mekenderde, kóshe boilaryndaǵy aǵashtardy ákteý, syrlaý jumystary atqarylyp, qoqys qaldyqtary shyǵaryldy. Budan ózge, Túrkistan oblysy Jastar resýrstyq ortalyǵynyń bastamasymen «Jas Túrkistan» eriktiler assotsiatsiiasy qurylyp, «Bul – seniń óńiriń» aktsiiasy negizinde 500 jastyń qatysýymen timbilding uiymdastyryldy.
Túrkistan oblysy Óńirlik kommýnikatsiialar qyzmeti
