Bıylǵy jyly Qazaqstan Respýblıkasynyń táýelsizdigine 29 jyl tolýda. Osyǵan oraı, 16 jeltoqsan Táýelsizdik kúni qarsańynda turǵyndardyń memlekettik rámizderge degen qurmetin arttyrý, óskeleń urpaqtyń patrıottyq sezimin jańǵyrtý maqsatynda oblys kóleminde «Meniń týym - meniń elim!» patrıottyq aksıasy uıymdastyryldy.

Aksıa aıasynda oblystyń barlyq aýdan, qalalaryndaǵy jergilikti turǵyndar óz úıleri men eldimekenderdegi áleýmettik, kásipkerlik nysandardyń syrtyna memlekettik tý ilip, mereke qarsańynda halyqqa patrıottyq rýh syılady. Oblys ortalyǵy Túrkistan qalasynan bastaý alǵan shara oblystaǵy 16 aýdan, qalada jalǵasty. Aksıa barysynda oblysta 20-dan asa turǵyn úıler men ǵımarattardyń  balkondaryna, terezelerine 300-den asa memlekettik tý ornatylyp, 200-den asa jastar men turǵyndar qatysty.

Sonymen qatar, Túrkistan qalasy – «Jastar resýrstyq ortalyǵy» ǵımaratyna jáne kóp qabatty turǵyn úılerdiń balkondaryna – 36 memlekettik tý;

Arys qalasy – Batyrlar alańy, Áıteke bı kóshesi №66 kóp qabatty turǵyn úı – 16 memlekettik tý;

Kentaý qalasy – kóp qabatty turǵyn úılerdiń balkondaryna – 16 memlekettik tý;

Saryaǵash aýdany, Saryaǵash qalasy – Saryaǵash aýdandyq mádenıet úıiniń syrtqy alańy men kóp qabatty turǵyn úılerdiń balkondary – 70 memlekettik tý;

Tólebı aýdany, Lengir qalasy – kóp qabatty turǵyn úı men ortalyq alańdarǵa (4 ǵımarat) – 30 memlekettik tý;

Shardara aýdany, Shardara qalasy – kóp qabatty turǵyn úıdiń terezelerine - 16 memlekettik tý;

Jetisaı aýdany, Jetisaı qalasy – kóp qabatty turǵyn úıdiń terezelerine – 16 memlekettik tý ilindi.

Sondaı-aq,  arnaıy heshtegpen áleýmettik jelilerde postar, memlekettik týmen túsken fotolar men beınerolıkter jarıalanyp, aksıa halyqtyq sıpattajalǵasyn tapty.