Túrkistan oblysynda eko týrizm qarqynda damyp keledi. 2024 jyldyń 9 aiynyń qorytyndysymen tabiǵi aýmaqtarǵa kelýshiler sany 109,5 myńdy quraǵan,dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
Túrkistan oblysynda ornalasqan erekshe qorǵalatyn tabiǵi aýmaqtarda týristik-rekreatsiialyq maqsatta 30 týristik soqpaqtar men marshrýttar qurylǵan.
Sonyń biri – «Sairam-Ógem» MUTP aýmaǵy. Mundaǵy 11,7 % nemese 17519 gektar jer telimi rekreatsiialyq jáne týristik qyzmet aimaǵy bolyp sanalady. Atalǵan aýmaqta kelýshilerge arnap 11 týristik soqpaq uiymdastyrylǵan. Qazirgi tańda park aýmaǵyndaǵy jalpy aýdany 343,2 gektardy quraityn 29 jer telimi týristik jáne rekreatsiialyq maqsatta paidalanýǵa berilgen.
Ulttyq park aýmaǵynda 7 qonaq úi, bir ańshylar úii kesheni, 6 monsha jáne jasaqtalǵan 94 demalys alańqaiy, 38 avtoturaq, 77 qoqys jáshigi, 52 qoqys konteineri, 48 sanitarlyq-gigenalyq torap, 40 dana arnaiy tamaq pisiretin nemese ot jaǵatyn oryn kelýshilerge qyzmet kórsetýde. Bul oryndarǵa, ásirese, jaz ailarynda suranys artady. Aldaǵy ýaqytta atalǵan aýmaqta demalys nysandaryn kóbeitý josparlanyp otyr.
