تۇركىستان وبلىسىندا ەكو تۋريزم قارقىندا دامىپ كەلەدى. 2024 جىلدىڭ 9 ايىنىڭ قورىتىندىسىمەن تابيعي اۋماقتارعا كەلۋشىلەر سانى 109،5 مىڭدى قۇراعان،دەپ حابارلايدى Dalanews.kz. تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
تۇركىستان وبلىسىندا ورنالاسقان ەرەكشە قورعالاتىن تابيعي اۋماقتاردا تۋريستىك-رەكرەاسيالىق ماقساتتا 30 تۋريستىك سوقپاقتار مەن مارشرۋتتار قۇرىلعان.
سونىڭ ءبىرى – «سايرام-وگەم» مۇتپ اۋماعى. مۇنداعى 11،7 % نەمەسە 17519 گەكتار جەر تەلىمى رەكرەاسيالىق جانە تۋريستىك قىزمەت ايماعى بولىپ سانالادى. اتالعان اۋماقتا كەلۋشىلەرگە ارناپ 11 تۋريستىك سوقپاق ۇيىمداستىرىلعان. قازىرگى تاڭدا پارك اۋماعىنداعى جالپى اۋدانى 343،2 گەكتاردى قۇرايتىن 29 جەر تەلىمى تۋريستىك جانە رەكرەاسيالىق ماقساتتا پايدالانۋعا بەرىلگەن.
ۇلتتىق پارك اۋماعىندا 7 قوناق ءۇي، ءبىر اڭشىلار ءۇيى كەشەنى، 6 مونشا جانە جاساقتالعان 94 دەمالىس الاڭقايى، 38 اۆتوتۇراق، 77 قوقىس جاشىگى، 52 قوقىس كونتەينەرى، 48 سانيتارلىق-گيگەنالىق توراپ، 40 دانا ارنايى تاماق پىسىرەتىن نەمەسە وت جاعاتىن ورىن كەلۋشىلەرگە قىزمەت كورسەتۋدە. بۇل ورىندارعا، اسىرەسە، جاز ايلارىندا سۇرانىس ارتادى. الداعى ۋاقىتتا اتالعان اۋماقتا دەمالىس نىساندارىن كوبەيتۋ جوسپارلانىپ وتىر.
