Túrkistandaǵy «Dostyq úiinde» Túrkistan oblysynyń ákimi Nuralhan Kósherovtiń tóraǵalyǵymen, aǵa býyn men ziialy qaýym ókilderiniń qatysýymen «Túrkistan qalasynyń erekshe mártebesi týraly» zańnyń oryndalýy jóninde májilis ótti,- dep habarlaidy Dalanews.kz
Memleket basshysy Qasym-Jomart Toqaev «Túrkistan qalasynyń erekshe mártebesi týraly» Qazaqstan Respýblikasynyń zańyna qol qoidy. Zańda elimizdiń rýhani, tarihi-mádeni, týristik ortalyǵy jáne sáýlet murasy retindegi Túrkistan qalasynyń erekshe mártebesi bekitilgen. Zań 13 baptan turady. Túrkistan qalasynyń ákimdigi men máslihatyna 44 qosymsha quzyrettilik beriledi.
Óńir basshysy bul qujat Túrkistannyń damýyna jańa serpin beretinin jetkizdi.
"Memleket basshysy «Túrkistan qalasynyń erekshe mártebesi týraly» Zańyna qol qoidy. Atalǵan zań barsha túrki elderi men Túrkistan qalasynyń turǵyndary úshin tarihi sát. Bul – memleketimizdiń Túrkistanǵa degen erekshe qoldaýy dep bilemin. Ózderińizge belgili, keshe Prezidentimiz Qasym-Jomart Kemelulynyń qabyldaýynda boldym. Memleket basshysy zańda aiqyndalǵan mindetterdi sapaly júzege asyrý úshin Úkimetpen tyǵyz qarym-qatynasta jumys isteýdi tapsyrdy. Sonymen qatar oblys turǵyndarynyń turmys jaǵdaiyn jaqsartý jáne áleýmettik-ekonomikalyq damýdy qamtamasyz etý maqsatynda tiisti tapsyrmalar berdi. Tarihi Túrkistanǵa qoldaý jalǵasatynyn jetkizdi. Qazaq rýhaniiatynyń temirqazyǵyna ainalǵan kieli mekenniń abyroiy odan saiyn asqaqtaidy. Bul baǵytta el aǵalary, ákimdik jáne qoǵam bolyp birlese jumys isteýimiz kerek", – degen Nuralhan Kósherov qala ákimi men basqarma basshylaryna tapsyrmalar berdi.
Atap aitqanda, Túrkistan qalasynyń ózindik sáýlet úlgisin qalyptastyrý jáne arnaiy dizain-kodyn bekitý, qala qurylysy reglamentin bekitý, kesene ainalysynda bóten qurylys elementterine jol bermeý, turaqty monitoring jasaý, týrizmniń áleýetin kóterý, tarihi-mádeni mura obektileriniń saqtalýyn jáne birtutastyǵyn qamtamasyz etý úshin keshendi sharalar qabyldaý, shahardy qolóner ortalyǵyna ainaldyrý jáne ózge de mindetter júkteldi.
Kezdesý barysynda qala ákimi Ázimbek Pazylbekuly tarihymyzdy túgendep, ulttyq, mádeni qundylyqtarymyzdyń boiyna qaita qan júgirtip, tereńnen nasihattaýda bul mańyzdy qujattyń alar orny airyqsha ekenin jetkizdi.
El aǵalary, ziialy qaýym, qala turǵyndary óz usynystary men pikirlerin aityp, tarihi qujattyń qabyldanýyna bastamashy bolǵan Memleket basshysyna, ony júzege asyryp, qoldaǵan Úkimetke, Parlamentke alǵystaryn bildirdi. Túrkistan oblystyq Ardagerler keńesiniń tóraǵasy Jeńisbek Máýlenqulov, Q.A.Iasaýi atyndaǵy halyqaralyq qazaq-túrik ýniversitetiniń rektory Janar Temirbekova, Túrkistan oblystyq Aqsaqaldar alqasynyń tóraǵasy Jarylqasyn Áziretbergenuly, sáýletshi Erkin Júsipov jáne qolóner, ǵylym salasynyń ókilderi óz oilary men bastamalaryn aityp, «Túrkistan qalasynyń erekshe mártebesi týraly» Zańynyń qabyldanýy shahardy odan saiyn damytýǵa jol ashatynyna toqtaldy. Rýhaniiat, mádeniet, týrizm salasynda bastamalar kóterilip, máseleler baqylaýǵa alyndy.
