Túrkistan oblysy, Ordabasy aýdanynda qoǵamdyq kólikter jańartyldy,- dep habarlaidy Dalanews.kz
Túrkistan oblysynda turǵyndardy tolǵandyrǵan jolaýshylar tasymalyna qatysty máseleler oń sheshimin taýyp keledi. Ordabasy aýdany kóleminde 11 áleýmettik mańyzy bar baǵyttar jergilikti biýdjetten sýbsidiialanyp, qoǵamdyq kóliktermen qamtamasyz etilgen bolatyn. Áitse de, jolaýshylarǵa qyzmet kórsetýshi merdiger mekemeniń kólikteriniń eskiliginen másele týyndap, aýdan ákimi Azat Oralbaev kólikterdiń sapasyzdyǵyn synǵa alyp, sala jaýaptylaryna kemshilikterdi retke keltirýdi tapsyrǵan.
Osy maqsatta aýdandyq turǵyn úi kommýnaldyq sharýashylyq, jolaýshylar kóligi, avtomobil joldary jáne turǵyn úi inspektsiiasy bólimi men jolaýshylar tasymaldaýshy merdiger mekeme «SARavto» JShS tiisti nátije kórsetip, aýdan kólemindegi 13 qoǵamdyq kólikti jańartýǵa qol jetkizdi.
Búgin aýdan basshysy arnaiy memlekettik baǵdarlama arqyly lizingke alynǵan, atalǵan sý jańa otandyq qoǵamdyq avtokólikterdiń 6 danasyn saltanatty rásimmen halyq igiligine paidalanýǵa tabys etti.
Arnaiy rásimde aýdan basshysy halyqqa sapaly qyzmet kórsetý baǵytyndaǵy tapsyrmany nátijeli oryndaǵan tiisti sala men merdiger mekeme qyzmetkerlerine rizashylyǵyn bildirip, aldaǵy ýaqytta qoǵamdyq tasymal baǵytyndaǵy turǵyndar igiligi úshin atqarylatyn sharýalar tolastamai jalǵasyn taýyp, barlyq baǵyttardaǵy aialdamalar da jańartylatynyn jetkizdi.
Aita keteiik, aýdan ortalyǵy Temirlan eldi mekeninde 4 jáne halyq kóp shoǵyrlanǵan Shubarsý aýylynda 2 qoǵamdyq avtokólik búginnen bastap jolaýshylardy tasymaldaidy. Qalǵan 7 avtokólik jolaýshylarǵa qolaily jaǵdai jasaý maqsatynda, qosymsha qondyrǵylarmen jabdyqtalyp, mamyr aiynyń sońyna deiin jetkiziledi.
