Qazirgi tańda júiede pedagogtar men tehnikalyq qyzmetkerlerdiń bos 11 008 jumys orny týraly habarlama ilingen. Aita keterligi, ótken jyly óńirde 4282 adam osy júie arqyly jumysqa ornalasqan.
Sondai-aq, byltyr oblysta pedagog kadrlardy attestattaý alǵash ret elektrondy túrde ótkizildi. Júie arqyly pedagog óziniń jetistikteri týraly málimetterdi ózderine berilgen login jáne parol arqyly kirip ótinish jiberip, atalǵan ótinishti saraptamalyk komissiia músheleri qarap óz baǵalaryn beredi.
Oblys boiynsha «Bilimland» tsifrlyq bilim berý júiesine 100 paiyz mektepter qosylǵan. 2018 jyldyń qyrkúiek aiynan bastap búgingi kúnge deiin 751 304 sabaq qaralymy bolǵan, onyń ishinde «BilimLand» – 237511, «Twig» – 17347, «iTest» – 462446, «iMektep» – 34000. Sonymen qatar, 2018 jyly oblystyq biýdjetten tsifrlyq bilim berý resýrstarymen qamtylǵan 1700 dana «Bilim Book» kompiýter-planshet satyp alynyp, shalǵai jerde ornalasqan internet jyldamdyǵy tómen 235 mektepke berilgen.
Sonymen qatar, oblystaǵy 1453 mektepke deiingi bilim berý uiymdarynda (1214 balabaqsha, 697 shaǵyn ortalyq) 147 337 bala bar. Valabaqsha.snation.kz portalyna qosý arqyly 2019 jyldyń sońyna deiin Mektepke deiingi bilim berý uiymdaryna joldama berý jáne kezekke qoiýdy avtomattandyrý kórsetkishi 100 paiyzǵa jetti.
Budan ózge, «Nur Otan» partiiasynyń bastamashylyq etýimen «Balalar úshin tegin IT-synyptar» jobasy usynylǵan bolatyn. Bul IT-synyptarda balalar baǵdarlamalaý daǵdylaryna, qarapaiym algoritmder qurastyrýǵa, Web-sait jáne kompiýterlik oiyndar men animatsiialardy qurýdy evropalyq standarttarmen úirenedi. Jalpy 2018 jyly 20 tegin IT-synyptar ashylsa, 2019 jyly – 30, 2020 jyly 50 IT-synyptar ashý josparlanýda.
Túrkistan oblysy ákiminiń baspasóz qyzmeti
