Қазіргі таңда жүйеде педагогтар мен техникалық қызметкерлердің бос 11 008 жұмыс орны туралы хабарлама ілінген. Айта кетерлігі, өткен жылы өңірде 4282 адам осы жүйе арқылы жұмысқа орналасқан.
Сондай-ақ, былтыр облыста педагог кадрларды аттестаттау алғаш рет электронды түрде өткізілді. Жүйе арқылы педагог өзінің жетістіктері туралы мәліметтерді өздеріне берілген логин және пароль арқылы кіріп өтініш жіберіп, аталған өтінішті сараптамалык комиссия мүшелері қарап өз бағаларын береді.
Облыс бойынша «Bilimland» цифрлық білім беру жүйесіне 100 пайыз мектептер қосылған. 2018 жылдың қыркүйек айынан бастап бүгінгі күнге дейін 751 304 сабақ қаралымы болған, оның ішінде «BilimLand» – 237511, «Twig» – 17347, «iTest» – 462446, «iMektep» – 34000. Сонымен қатар, 2018 жылы облыстық бюджеттен цифрлық білім беру ресурстарымен қамтылған 1700 дана «Bilim Book» компьютер-планшет сатып алынып, шалғай жерде орналасқан интернет жылдамдығы төмен 235 мектепке берілген.
Сонымен қатар, облыстағы 1453 мектепке дейінгі білім беру ұйымдарында (1214 балабақша, 697 шағын орталық) 147 337 бала бар. Вalabaqsha.snation.kz порталына қосу арқылы 2019 жылдың соңына дейін Мектепке дейінгі білім беру ұйымдарына жолдама беру және кезекке қоюды автоматтандыру көрсеткіші 100 пайызға жетті.
Бұдан өзге, «Нұр Отан» партиясының бастамашылық етуімен «Балалар үшін тегін ІТ-сыныптар» жобасы ұсынылған болатын. Бұл ІТ-сыныптарда балалар бағдарламалау дағдыларына, қарапайым алгоритмдер құрастыруға, Web-сайт және компьютерлік ойындар мен анимацияларды құруды европалық стандарттармен үйренеді. Жалпы 2018 жылы 20 тегін ІТ-сыныптар ашылса, 2019 жылы – 30, 2020 жылы 50 ІТ-сыныптар ашу жоспарлануда.
Түркістан облысы әкімінің баспасөз қызметі
