Túrkistan oblysy ákiminiń orynbasary Ertaı Altaevtyń tóraǵalyǵymen májilis ótti,- dep habarlaıdy Dalanews.kz
Oǵan jaýapty sala basshylary men din qyzmetkerleri jáne aýdan, qala ákimderiniń orynbasarlary beınebaılanys arqyly qatysyp, óńirdegi dinı ǵımarattardyń qujattaryn zańnamaǵa sáıkes rásimdeý jáne onyń qurylystaryn retteý máselesi qaraldy.
"Oblystaǵy dinı ǵımarattardyń qujattaryn zań talaptaryna sáıkes rásimdeýdi nazarda ustańyzdar. Keıbir aýdandarda júıeli jumystar atqarylyp jatyr. Birqatar aýdandaǵy jaýaptylar jumysty shıratýlary kerek. Zańnamaǵa sáıkes, ǵımarattardyń qujattary túgendelmeı qurylys jumystaryn bastaýǵa tyıym salynady", – degen oblys ákiminiń orynbasary ǵımarattardyń zańsyz salynýyn qatań baqylaýǵa alý qajettigin eskertti.
Sonymen birge demeýshiler men mesenattarǵa áleýmettik nysandar salý da mańyzdy ekenin túsindirý qajettigi aıtyldy.
Jıyn sońynda osy atalǵan máseleler boıynsha tıisti usynystar aıtylyp, aýdan, qala ákimderi men tıisti basqarmalardyń basshylaryna tapsyrmalar berildi.
