№ 2 Oblystyq perinataldyq ortalyqta úshem dúniege keldi. Sairam aýdany, Qarabulaq eldi mekenindegi Egamberdievter otbasy úsh perzentpen tolyqty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
27 jastaǵy Nazima Egamberdieva eki ulynan keiin ómirge 17 qazan kúni 2 ul men 1 qyz ákeldi. Birneshe kún dárigerdiń baqylaýynda bolǵan sábiler men anasy búgin úige shyǵaryldy. Otbasynyń qýanyshymen bólisýge kelgen týystary sábilerdi kórý úshin perzenthana mańyna jinalyp, aqjarma tilekterin bildirdi.
Úshemder merziminen buryn, iaǵni júktiliktiń 34 aptasynda josparly kesir tiligi arqyly dúniege kelgen. Olardyń biriniń salmaǵy 2 keli 430 gramm bolsa, ekinshisi – 2 keli 490 gr, úshinshisiniki 1 keli 730 gramǵa jetken. Sheksiz qýanyshqa kenelgen otbasy úshemderge Hasan, Fatima, Hýsan dep at qoiypty. Alǵashynda nárestelerge meditsinalyq kómek qajet bolǵan.
Dárigerlerdiń aitýynsha úshemder týylǵan kezde apparatta bolǵan. Olardy alǵashqy kúnderi joǵary kútimge muqtaj náresteler bólimshesinde baqylaǵan. Tekserý, emdeý, kútip baptaý jumystary júrgizildi. Qazirgi tańda jaǵdailary jaqsy, meditsina qyzmetkerleriniń kómekterinen soń úshemder jaqsy salmaq qosyp, ana sútin qanaǵattarlyqtai emip jatyr deidi.
