№ 2 وبلىستىق پەريناتالدىق ورتالىقتا ٷشەم دٷنيەگە كەلدٸ. سايرام اۋدانى, قارابۇلاق ەلدٸ مەكەنٸندەگٸ ەگامبەرديەۆتەر وتباسى ٷش پەرزەنتپەن تولىقتى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
27 جاستاعى نازيما ەگامبەرديەۆا ەكٸ ۇلىنان كەيٸن ٶمٸرگە 17 قازان كٷنٸ 2 ۇل مەن 1 قىز ەكەلدٸ. بٸرنەشە كٷن دەرٸگەردٸڭ باقىلاۋىندا بولعان سەبيلەر مەن اناسى بٷگٸن ٷيگە شىعارىلدى. وتباسىنىڭ قۋانىشىمەن بٶلٸسۋگە كەلگەن تۋىستارى سەبيلەردٸ كٶرۋ ٷشٸن پەرزەنتحانا ماڭىنا جينالىپ, اقجارما تٸلەكتەرٸن بٸلدٸردٸ.
ٷشەمدەر مەرزٸمٸنەن بۇرىن, ياعني جٷكتٸلٸكتٸڭ 34 اپتاسىندا جوسپارلى كەسٸر تٸلٸگٸ ارقىلى دٷنيەگە كەلگەن. ولاردىڭ بٸرٸنٸڭ سالماعى 2 كەلٸ 430 گرامم بولسا, ەكٸنشٸسٸ – 2 كەلٸ 490 گر, ٷشٸنشٸسٸنٸكٸ 1 كەلٸ 730 گرامعا جەتكەن. شەكسٸز قۋانىشقا كەنەلگەن وتباسى ٷشەمدەرگە حاسان, فاتيما, حۋسان دەپ ات قويىپتى. العاشىندا نەرەستەلەرگە مەديتسينالىق كٶمەك قاجەت بولعان.
دەرٸگەرلەردٸڭ ايتۋىنشا ٷشەمدەر تۋىلعان كەزدە اپپاراتتا بولعان. ولاردى العاشقى كٷندەرٸ جوعارى كٷتٸمگە مۇقتاج نەرەستەلەر بٶلٸمشەسٸندە باقىلاعان. تەكسەرۋ, ەمدەۋ, كٷتٸپ باپتاۋ جۇمىستارى جٷرگٸزٸلدٸ. قازٸرگٸ تاڭدا جاعدايلارى جاقسى, مەديتسينا قىزمەتكەرلەرٸنٸڭ كٶمەكتەرٸنەن سوڭ ٷشەمدەر جاقسى سالماق قوسىپ, انا سٷتٸن قاناعاتتارلىقتاي ەمٸپ جاتىر دەيدٸ.
