«2017 jyly 516 qurasa, aǵymdaǵy jyldyń 9 aiynda 657-ni quraǵan. Bul tirkelgen aryz-shaǵymdardyń sanynyń kóptigin, kásipkerler tarapynan zań buzýshylyqtardyń bolyp jatqandyǵyn kórsetedi. Sondyqtan, kásipkerler óz isterine úlken jaýapkershilikpen qaraýy tiis. Iaǵni, Elbasy aitqandai, tek paida tabýdy ǵana kózdemei, eń birinshi kezekte, azamattardyń qaýipsizdigi týraly oilaýy kerek. Sapaly ónim shyǵaryp, sapaly qyzmet kórsetýi tiis», – dedi Túrkistan oblystyq qoǵamdyq densaýlyq saqtaý departamentiniń basshysy.
Departament bergen málimet boiynsha, memleket ákimshilik kedergilerdi azaitý barysynda kóptegen tekseristen, ruqsat berý jáne basqa da rásimderden bas tartty.
"Sondyqtan, usynylatyn taýarlardyń, kórsetiletin qyzmetterdiń sapasy men qaýipsizdigi úshin biznes qoǵamdastyǵy da jaýap beredi. Jalpy, biznes paida tabýdy ǵana emes, sondai-aq, memleketpen birlesip azamattarymyzdyń qaýipsizdigi men jaily turmysyn qamtamasyz etýdi de oilaýy kerek». Bul da joldaýda aitylǵan Elbasynyń sózi.
Aita ketelik, Qazaqstanda taýarlar men kórsetiletin qyzmet sapasyn jáne qaýipsizdigin baqylaý komiteti qurylýy múmkin. QR Prezidenti Nursultan Nazarbaev halyqty sapasyz ári densaýlyqqa qaýip tóndiretin ónimderden qorǵaityn komitet qurýdy tapsyrǵan bolatyn.
