«2017 جىلى 516 قۇراسا، اعىمداعى جىلدىڭ 9 ايىندا 657ء-نى قۇراعان. بۇل تىركەلگەن ارىز-شاعىمداردىڭ سانىنىڭ كوپتىگىن، كاسىپكەرلەر تاراپىنان زاڭ بۇزۋشىلىقتاردىڭ بولىپ جاتقاندىعىن كورسەتەدى. سوندىقتان، كاسىپكەرلەر ءوز ىستەرىنە ۇلكەن جاۋاپكەرشىلىكپەن قاراۋى ءتيىس. ياعني، ەلباسى ايتقانداي، تەك پايدا تابۋدى عانا كوزدەمەي، ەڭ ءبىرىنشى كەزەكتە، ازاماتتاردىڭ قاۋىپسىزدىگى تۋرالى ويلاۋى كەرەك. ساپالى ءونىم شىعارىپ، ساپالى قىزمەت كورسەتۋى ءتيىس»، – دەدى تۇركىستان وبلىستىق قوعامدىق دەنساۋلىق ساقتاۋ دەپارتامەنتىنىڭ باسشىسى.
دەپارتامەنت بەرگەن مالىمەت بويىنشا، مەملەكەت اكىمشىلىك كەدەرگىلەردى ازايتۋ بارىسىندا كوپتەگەن تەكسەرىستەن، رۇقسات بەرۋ جانە باسقا دا راسىمدەردەن باس تارتتى.
"سوندىقتان، ۇسىنىلاتىن تاۋارلاردىڭ، كورسەتىلەتىن قىزمەتتەردىڭ ساپاسى مەن قاۋىپسىزدىگى ءۇشىن بيزنەس قوعامداستىعى دا جاۋاپ بەرەدى. جالپى، بيزنەس پايدا تابۋدى عانا ەمەس، سونداي-اق، مەملەكەتپەن بىرلەسىپ ازاماتتارىمىزدىڭ قاۋىپسىزدىگى مەن جايلى تۇرمىسىن قامتاماسىز ەتۋدى دە ويلاۋى كەرەك». بۇل دا جولداۋدا ايتىلعان ەلباسىنىڭ ءسوزى.
ايتا كەتەلىك، قازاقستاندا تاۋارلار مەن كورسەتىلەتىن قىزمەت ساپاسىن جانە قاۋىپسىزدىگىن باقىلاۋ كوميتەتى قۇرىلۋى مۇمكىن. ق ر پرەزيدەنتى نۇرسۇلتان نازاربايەۆ حالىقتى ساپاسىز ءارى دەنساۋلىققا ءقاۋىپ توندىرەتىن ونىمدەردەن قورعايتىن كوميتەت قۇرۋدى تاپسىرعان بولاتىن.
