Túrkistan oblysynda kásiptik oqytý isi 52 bilim berý mekemesinde uiymdastyrylǵan
Túrkistan oblysynyń halyqy kásipkerlik qyzmettegi belsendiligi men shaǵyn jáne orta biznesti damytý úshin qolaily jaǵdai týǵyzylǵanyna kóp nárse bailanysty. Onyń ústine ózin-ózi ónimsiz jumyspen qamtityndardyń qatary jyl ótken saiyn kemip keledi. Bul kórsetkish respýblikada 9,7 paiyz bolsa, oblysta 6,6 paiyzdy (23,7 myń adam) qurady. Ózin-ózi ónimsiz jumyspen qamtyǵan adamdardy resimdeý kózdelgen josparǵa sáikes júzege asyrylýda.
Túrkistan oblysynyń tabiǵi-klimattyq jaǵdaiy, ásirese, aýyl sharýashylyǵyndaǵy kásipkerlik qyzmetti damytýǵa tiimdi. Osy jáne basqa da áleýmettik-demografiialyq faktorlar agrosektor salasyndaǵy biznesti ashýǵa jáne ony keńeitýge múmkindik beredi.
Óz isin ashyp, sharýasyn odan ári dóńgeletkisi keletinderdiń oqý oqyp, nesie alyp, jumysyn bastaýyna quqyq berilgen. Mysaly, bul baǵytta «Bastaý Biznes» jobasy jumys isteidi. Túrkistan oblysynda barlyǵy 1 500 adam oqyp, sertifikat aldy. 205 kásipker baǵdarlama aiasynda shaǵyn kreditke ie bols, óńirde 411 adam nesiege qol jetkizip, óz kásipterin dóńgeletip otyr. Biylǵy tórtinshi toqsanda da 100 ailyq eseptik kórsetkish mólsherinde 181 grant bólinedi. «Damý» qorynyń (onyń ishinde onlain rejimde), óńirlik kásipkerlik palatasynyń, kásipkerlerge qyzmet kórsetý ortalyǵynyń baǵdarlamalary arqyly kásipkerlik negizderin tegin oqi alady.
«Eńbek» nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamanyń birinshi baǵyty sheńberinde bilimi joq, eńbek naryǵynda suranysqa ie mamandyqtarǵa 2018 jyly barlyǵy 5 440 adamdy oqytý josparlanǵan.
Biylǵy 1 qyrkúiekke deiingi kórsetkish boiynsha 5 111 talapker qysqa merzimdi oqýlarǵa joldandy. Onyń 988-i fermerlik sharýashylyq, 875-i shashtaraz óneri men sándik kosmetika, 516-sy qoǵamdyq tamaqtandyrý, 307-si dánekerleý isi boiynsha mamandyǵyn tańdady. Qysqa merzimdi kásiptik oqytý óńirdegi 52 bilim berý mekemesinde uiymdastyrylǵan. Onyń 32-si tehnikalyq jáne kásiptik litseide, 20-sy oqý ortalyqtarynda ornalasqan. Kásiptik oqytý negizinen ótinish berýshilerdiń turǵylyqty jerinde qabyldanady. Al, basqa jaqtan keletin talapkerlerge turǵyn úi úshin jambaspul qarastyrylǵan.
Dalanews.kz
