تۇركىستان وبلىسىنىڭ حالىقى كاسىپكەرلىك قىزمەتتەگى بەلسەندىلىگى مەن شاعىن جانە ورتا بيزنەستى دامىتۋ ءۇشىن قولايلى جاعداي تۋعىزىلعانىنا كوپ نارسە بايلانىستى. ونىڭ ۇستىنە ءوزىن-وزى ءونىمسىز جۇمىسپەن قامتيتىنداردىڭ قاتارى جىل وتكەن سايىن كەمىپ كەلەدى. بۇل كورسەتكىش رەسپۋبليكادا 9،7 پايىز بولسا، وبلىستا 6،6 پايىزدى (23،7 مىڭ ادام) قۇرادى. ءوزىن-وزى ءونىمسىز جۇمىسپەن قامتىعان ادامداردى رەسىمدەۋ كوزدەلگەن جوسپارعا سايكەس جۇزەگە اسىرىلۋدا.
تۇركىستان وبلىسىنىڭ تابيعي-كليماتتىق جاعدايى، اسىرەسە، اۋىل شارۋاشىلىعىنداعى كاسىپكەرلىك قىزمەتتى دامىتۋعا ءتيىمدى. وسى جانە باسقا دا الەۋمەتتىك-دەموگرافيالىق فاكتورلار اگروسەكتور سالاسىنداعى بيزنەستى اشۋعا جانە ونى كەڭەيتۋگە مۇمكىندىك بەرەدى.
ءوز ءىسىن اشىپ، شارۋاسىن ودان ءارى دوڭگەلەتكىسى كەلەتىندەردىڭ وقۋ وقىپ، نەسيە الىپ، جۇمىسىن باستاۋىنا قۇقىق بەرىلگەن. مىسالى، بۇل باعىتتا «باستاۋ بيزنەس» جوباسى جۇمىس ىستەيدى. تۇركىستان وبلىسىندا بارلىعى 1 500 ادام وقىپ، سەرتيفيكات الدى. 205 كاسىپكەر باعدارلاما اياسىندا شاعىن كرەديتكە يە بولس، وڭىردە 411 ادام نەسيەگە قول جەتكىزىپ، ءوز كاسىپتەرىن دوڭگەلەتىپ وتىر. بيىلعى ءتورتىنشى توقساندا دا 100 ايلىق ەسەپتىك كورسەتكىش مولشەرىندە 181 گرانت بولىنەدى. «دامۋ» قورىنىڭ (ونىڭ ىشىندە ونلاين رەجيمدە)، وڭىرلىك كاسىپكەرلىك پالاتاسىنىڭ، كاسىپكەرلەرگە قىزمەت كورسەتۋ ورتالىعىنىڭ باعدارلامالارى ارقىلى كاسىپكەرلىك نەگىزدەرىن تەگىن وقي الادى.
«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلامانىڭ ءبىرىنشى باعىتى شەڭبەرىندە ءبىلىمى جوق، ەڭبەك نارىعىندا سۇرانىسقا يە ماماندىقتارعا 2018 جىلى بارلىعى 5 440 ادامدى وقىتۋ جوسپارلانعان.
بيىلعى 1 قىركۇيەككە دەيىنگى كورسەتكىش بويىنشا 5 111 تالاپكەر قىسقا مەرزىمدى وقۋلارعا جولداندى. ونىڭ 988ء-ى فەرمەرلىك شارۋاشىلىق، 875ء-ى شاشتاراز ونەرى مەن ساندىك كوسمەتيكا، 516-سى قوعامدىق تاماقتاندىرۋ، 307ء-سى دانەكەرلەۋ ءىسى بويىنشا ماماندىعىن تاڭدادى. قىسقا مەرزىمدى كاسىپتىك وقىتۋ وڭىردەگى 52 ءبىلىم بەرۋ مەكەمەسىندە ۇيىمداستىرىلعان. ونىڭ 32ء-سى تەحنيكالىق جانە كاسىپتىك ليسەيدە، 20-سى وقۋ ورتالىقتارىندا ورنالاسقان. كاسىپتىك وقىتۋ نەگىزىنەن ءوتىنىش بەرۋشىلەردىڭ تۇرعىلىقتى جەرىندە قابىلدانادى. ال، باسقا جاقتان كەلەتىن تالاپكەرلەرگە تۇرعىن ءۇي ءۇشىن جامباسپۇل قاراستىرىلعان.
Dalanews.kz
