Túrkistan oblysy boiynsha avtomobil joldarynyń jalpy uzyndyǵy 17 700 shaqyrymdy quraidy. Biylǵy jyl qorytyndysymen jaqsy jáne qanaǵatty jaǵdaidaǵy oblystyq jáne aýdandyq mańyzy bar joldardyń úlesin 93,7 paiyzǵa jetkizý josparlanyp otyr. Bul baǵytta, biyl avtomobil joldary salasyn damytýǵa biýdjetten 41,4 mlrd teńge bólingen, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńirdegi qurylys-jóndeý jumystarynyń nátijesinde 1061,3 shaqyrym jol jóndeýden ótse, jyl qorytyndysymen 560 shaqyrym jol paidalanýǵa beriledi dep kútilýde. Bul jóninde oblys ákimi Darhan Satybaldynyń tóraǵalyǵymen ótken apparattyq jinalysta málimdedi.
Májiliste jolǵa qatysty mańyzdy túitkilder aitylyp, óńir basshysy osy baǵyttaǵy jumystardy jandandyrýdy tapsyrdy.
– Joldardyń qurylys sapasy – basty nazarda. Jol qurylysyn qolǵa alǵan merdigerler men sapasyn qadaǵalaýshy mekemeler tiisti jumystardy qolǵa alýy tiis. Joldy salý da, jóndeý de bekitilgen kestege sáikes júrgizilýi kerek. Turaqty qadaǵalanady, – dedi oblys ákimi Darhan Satybaldy.
Biyl aýdandyq mańyzy bar joldarǵa – 2,6 mlrd. teńge bólinip, 97,3 shaqyrym jol kúrdeli jáne ortasha jóndeý jumystarymen qamtyldy. Atap aitsaq, eldi meken kósheleri boiynsha 197 joba n/e 584,4 shaqyrym jol jóndeý jumystarymen qamtylýda. Onyń ishinde, «Aýyl – El besigi» baǵdarlamasy boiynsha 98 eldi mekende jalpy 131 nysan nemese 482,5 shaqyrym kóshe jóndeýden ótkizilýde. Jyl qorytyndysymen 104 nysan (365 kóshe) nemese 325,2 shaqyrymy paidalanýǵa berilip, indikator kórsetkishi 70%-dan 74%-ǵa jetedi.
