Búgin Botanikalyq saiabaqta Qyzylorda oblysynyń ákimi Murat Ergeshbaevtyń qatysýymen «Taza Qazaqstan» respýblikalyq ekologiialyq baǵdarlamasy aiasyndaǵy keń kólemdi tazalyq aktsiiasy ótti, dep habarlaidy dalanews.kz.
Aýqymdy aktsiiaǵa oblys boiynsha 17694 adam qatysty. Olardyń qatarynda ziialy qaýym ókilderi, oblystyq máslihat depýtattary, basqarma, departament jáne inspektsiia basshylary, «AMANAT» partiiasynyń ókilderi, memlekettik mekeme qyzmetkerleri, jastar uiymdary men ekobelsendiler boldy.
«Memleket basshymyz Qasym-Jomart Kemeluly: «Tazalyq – órkenietti qoǵamnyń ainasy, damýǵa umtylǵan kez kelgen eldiń myzǵymas ustanymy»,- degen bolatyn. Qorshaǵan ortany qorǵaý, ony kútip ustaý tek memlekettiń ǵana emes, ár azamattyń mindeti jáne qoǵamnyń ortaq negizgi qundylyqtardyń biri bolýy tiis. Óńirimizde sanitarlyq tazalyq, abattandyrý, turǵyndardyń ómir súrýine qolaily jaǵdai jasaý baǵytynda keshendi jumystar qarqyndy júrýde. Qyzylorda qalasyndaǵy ortalyq alań, qalalyq mádeni-demalys parki jáne Qorqyt ata skveri, búgingi sharamyz ótip jatqan Botanikalyq saiabaq qaita jańǵyrtylyp, paidalanýǵa berildi. Óńirimizde dizain kod bekitilip, oblys ortalyǵynan bastap barlyq eldi mekender biregei arhitektýralyq talaptarǵa sáikestendirildi. Oblys ortalyǵyndaǵy 80-nen asa eski kópqabatty turǵyn úidiń qasbetteri zamanaýi panelmen qaptaldy. Biyl da bul jumystar jalǵasyn taýyp, qosymsha 21 turǵyn úi jańǵyrtýdan ótýde»,- dedi aimaq basshysy.
Is-sharada qorshaǵan ortany qorǵaýǵa jáne tazalyq jumystaryn turaqty júrgizýge úles qosqan 100 qyzmetker marapattaldy. Ekologiialyq infraqurylymdy nyǵaitý maqsatynda salalyq mekemelerge 26 arnaiy tehnika tabystaldy. Onyń ishinde qaldyq tasymaldaýshy kólikter, órt sóndirý tehnikalary, traktorlar jáne kishi órt sóndirý keshenderi bar.
Botanikalyq saiabaq aýmaǵy kógaldandyrylyp, 500 túp qylqan japyraqty aǵash otyrǵyzyldy. Bul jumystar óńirdi jasyl jelekke bóleýge, aýa sapasyn jaqsartýǵa jáne qala turǵyndary úshin qolaily ekologiialyq orta qalyptastyrýǵa baǵyttaldy.
«Taza Qazaqstan» baǵdarlamasy sheńberinde oblystyń barlyq eldi mekeninde bir mezgilde aýqymdy senbilik jáne abattandyrý jumystary uiymdastyryldy.
Oblys ákimi Botanikalyq baq aýmaǵynda ornalasqan Qorqyt ata atyndaǵy Qyzylorda ýniversitetiniń bastamasymen qolǵa alynǵan jylyjai jumysymen tanysyp, oqytýshylarymen pikir almasty.
Jylyjaida kókónis ósiriledi.
Aita ketý kerek, jyl basynan beri óńirdegi ekologiialyq sharalarǵa 121 992 adam, iaǵni eriktiler, qoǵam qairatkerleri, biýdjet salasynyń jáne kásiporyn qyzmetkerleri belsene qatysty.
Osy ýaqyt aralyǵynda 3 030 tonnaǵa jýyq turmystyq qaldyq shyǵarylyp, 3 367 skver men park, 256 tarihi-mádeni eskertkish, 1 019 áleýmettik nysan, 669 ónerkásip jáne biznes nysany, 210 sý obektisi jáne 5 383 kóshe boiy tazartyldy. Bul jumystarǵa 548 arnaiy tehnika jumyldyryldy.
Sonymen qatar, jyl basynan beri oblys aýmaǵyna jergilikti klimatqa beiimdelgen 88 567 túp aǵash kósheti otyrǵyzyldy. Olardyń qatarynda qaraǵash, terek, Syr taly jáne basqa da kóshet túrleri bar.
Búgingi aktsiia – óńirdegi ekologiialyq mádenietti damytýǵa, tabiǵatty qorǵaýdy júieli jolǵa qoiýǵa jáne turǵyndardyń qorshaǵan ortaǵa degen jaýapkershiligin arttyrýǵa baǵyttalǵan mańyzdy bastama.
