Adamı áleýetti damytý basqarmasynyń oblystyq «Jas týrıser stansıasy» uıymdastyrǵan basqosýǵa aýdan, qalalardaǵy jas týrıser stansıalarynyń basshylary men mamandary, BAQ ókilderi qatysty.
İs-sharanyń negizgi maqsaty – óńirimizde balalar jáne jasóspirimder týrızmin damytý, ekologıa baǵytynda jumystardy jandandyrýda aýdandarmen birlesip jumys atqarý. Sondaı-aq, tótenshe jaǵdaı kezindegi kórsetiletin is-tájirıbemen almasý, pedagog qyzmetkerlerdiń biliktiligin arttyrý.
– Bizdiń mamandarymyzdy Tótenshe jaǵdaılar departamenti qyzmetkerleri memorandým negizinde tájirıbeden ótkizdi. Nátıjesinde, muǵalimderimizdiń qadaǵalaýymen lager aýmaǵynda úzdik dep tanylǵan «Jas qutqarýshylar» tobynyń oqýshylary sheberlik synybyn uıymdastyrdy, – dedi oblystyq «Jas týrıser stansıasy» KMM dırektory Sáýle Ómirserikqyzy.
Semınarda «Jer – bizdiń ortaq úıimiz» taqyryby aıasynda dóńgelek ústel uıymdastyrylyp, qatysýshylar óz oılaryn ortaǵa saldy. Sondaı-aq, Sybaılas jemqorlyqqa qarsy is-qımyl agenttigi Túrkistan oblysy boıynsha Departamentiniń janynan qurylǵan «Túrkistan – Adaldyq Alańy» jobalyq keńsesiniń jetekshisi Gúlzıa Qarsybaı jemqorlyqtyń aldyn alý boıynsha baıandama jasady.
Bekitilgen is-shara josparyna saı semınarǵa qatysýshylar Birkólik shatqalyna joryqqa shyqty. Taýdaǵy saıahatta qaýipsizdik erejeleri túsindirilip, saqtyq sharalarynyń alǵysharttary kórsetildi.
