ادامي الەۋەتتى دامىتۋ باسقارماسىنىڭ وبلىستىق «جاس تۋريستەر ستانسياسى» ۇيىمداستىرعان باسقوسۋعا اۋدان، قالالارداعى جاس تۋريستەر ستانسيالارىنىڭ باسشىلارى مەن ماماندارى، ب ا ق وكىلدەرى قاتىستى.
ءىس-شارانىڭ نەگىزگى ماقساتى – وڭىرىمىزدە بالالار جانە جاسوسپىرىمدەر ءتۋريزمىن دامىتۋ، ەكولوگيا باعىتىندا جۇمىستاردى جانداندىرۋدا اۋداندارمەن بىرلەسىپ جۇمىس اتقارۋ. سونداي-اق، توتەنشە جاعداي كەزىندەگى كورسەتىلەتىن ىس-تاجىريبەمەن الماسۋ، پەداگوگ قىزمەتكەرلەردىڭ بىلىكتىلىگىن ارتتىرۋ.
– ءبىزدىڭ ماماندارىمىزدى توتەنشە جاعدايلار دەپارتامەنتى قىزمەتكەرلەرى مەموراندۋم نەگىزىندە تاجىريبەدەن وتكىزدى. ناتيجەسىندە، مۇعالىمدەرىمىزدىڭ قاداعالاۋىمەن لاگەر اۋماعىندا ۇزدىك دەپ تانىلعان «جاس قۇتقارۋشىلار» توبىنىڭ وقۋشىلارى شەبەرلىك سىنىبىن ۇيىمداستىردى، – دەدى وبلىستىق «جاس تۋريستەر ستانسياسى» كمم ديرەكتورى ساۋلە ومىرسەرىك قىزى.
سەميناردا «جەر – ءبىزدىڭ ورتاق ءۇيىمىز» تاقىرىبى اياسىندا دوڭگەلەك ۇستەل ۇيىمداستىرىلىپ، قاتىسۋشىلار ءوز ويلارىن ورتاعا سالدى. سونداي-اق، سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ جانىنان قۇرىلعان «تۇركىستان – ادالدىق الاڭى» جوبالىق كەڭسەسىنىڭ جەتەكشىسى گۇلزيا قارسىباي جەمقورلىقتىڭ الدىن الۋ بويىنشا بايانداما جاسادى.
بەكىتىلگەن ءىس-شارا جوسپارىنا ساي سەمينارعا قاتىسۋشىلار بىركولىك شاتقالىنا جورىققا شىقتى. تاۋداعى ساياحاتتا قاۋىپسىزدىك ەرەجەلەرى ءتۇسىندىرىلىپ، ساقتىق شارالارىنىڭ العىشارتتارى كورسەتىلدى.
