Saiys 14-15 qazan kúnderi aralyǵynda Túlkibas aýdany, «Mashat Arasan» lagerinde ótti.
Jarysqa qatysýshylar alǵashqy kúni pnevmatikalyq vintovkadan atý jattyǵýlaryn oryndaý, plash túrindegi jalpy áskeri qorǵanys jinaǵyn kigizý jáne gazqaǵardy kiiý jáne AK-74 tolyq emes bólshekteý jáne jinaqtaý boiynsha jarysqa tússe, ekinshi kúni ulttyq oiyndar sadaq atý jáne arqan tartý boiynsha jarysqa tústi.
Jalpy saiysqa oblystyń 17 aýdan, qalasynan 200-ge jýyq jas sarbaz qatysqan.
10-11 synyp arasynda ótken áskeri-patriottyq sporttyq saiysqa qatysýshylar bilim dárejesi men dene daiyndyǵyna bailanysty iriktelinip alyndy.
Jarys nátijesine sáikes bas júlde Arys qalasy jas sarbazdaryna (500.000 tg sertifikat), I oryn Kentaý qalasy jas sarbazdaryna (300.000 tg sertifikat), II oryn Túlkibas aýdany jas sarbazdaryna (200.000 tg sertifikat), III oryn Maqtaaral aýdany jas sarbazdaryna (100.000 tg sertifikat) buiyrdy. Qatysqan barlyq topqa yntalandyrý syilyǵy 50 000tg sertifikat tabystaldy.
Jarys jeńimpazdaryn Túrkistan oblysy Qoǵamdyq damý basqarmasynyń «Jastar resýrstyq ortalyǵy» KMM-niń basshysy Ernar Bektaev, «Báiterek» jastar uiymy qoǵamdyq birlestiginiń prezidenti Rolan Qonysbekov jáne «Jas sarbaz» áskeri-patriottyq qozǵalysynyń Túrkistan oblystyq filialynyń tóraiymy Arýjan Shekerbek marapattady.
