سايىس 14-15 قازان كۇندەرى ارالىعىندا تۇلكىباس اۋدانى، «ماشات اراسان» لاگەرىندە ءوتتى.
جارىسقا قاتىسۋشىلار العاشقى كۇنى پنيەۆماتيكالىق ۆينتوۆكادان اتۋ جاتتىعۋلارىن ورىنداۋ، پلاشش تۇرىندەگى جالپى اسكەري قورعانىس جيناعىن كيگىزۋ جانە گازقاعاردى كيۋ جانە اك-74 تولىق ەمەس بولشەكتەۋ جانە جيناقتاۋ بويىنشا جارىسقا تۇسسە، ەكىنشى كۇنى ۇلتتىق ويىندار ساداق اتۋ جانە ارقان تارتۋ بويىنشا جارىسقا ءتۇستى.
جالپى سايىسقا وبلىستىڭ 17 اۋدان، قالاسىنان 200-گە جۋىق جاس سارباز قاتىسقان.
10-11 سىنىپ اراسىندا وتكەن اسكەري-پاتريوتتىق سپورتتىق سايىسقا قاتىسۋشىلار ءبىلىم دارەجەسى مەن دەنە دايىندىعىنا بايلانىستى ىرىكتەلىنىپ الىندى.
![](/uploads/images/20240127145725383.jpg)
جارىس ناتيجەسىنە سايكەس باس جۇلدە ارىس قالاسى جاس ساربازدارىنا (500.000 تگ سەرتيفيكات)، I ورىن كەنتاۋ قالاسى جاس ساربازدارىنا (300.000 تگ سەرتيفيكات)، II ورىن تۇلكىباس اۋدانى جاس ساربازدارىنا (200.000 تگ سەرتيفيكات)، III ورىن ماقتاارال اۋدانى جاس ساربازدارىنا (100.000 تگ سەرتيفيكات) بۇيىردى. قاتىسقان بارلىق توپقا ىنتالاندىرۋ سىيلىعى 50 000تگ سەرتيفيكات تابىستالدى.
جارىس جەڭىمپازدارىن تۇركىستان وبلىسى قوعامدىق دامۋ باسقارماسىنىڭ «جاستار رەسۋرستىق ورتالىعى» كمم-نىڭ باسشىسى ەرنار بەكتايەۆ، «بايتەرەك» جاستار ۇيىمى قوعامدىق بىرلەستىگىنىڭ پرەزيدەنتى رولان قونىسبەكوۆ جانە «جاس سارباز» اسكەري-پاتريوتتىق قوزعالىسىنىڭ تۇركىستان وبلىستىق فيليالىنىڭ ءتورايىمى ارۋجان شەكەربەك ماراپاتتادى.