Ordabasy aýdany, «Badam» ındýstrıaldy aımaǵynda ornalasqan «KazKioti» JSHS-niń bazasynda «Steklo Rez» JSHS-niń shyny óńdeý jáne shynyny joǵary temperatýrada shynyqtyrý jobasy júzege asty, - dep habarlaıdy Dalanews.kz
Jobanyń qýattylyǵyna kelsek, aıyna 20 000 sharshy metr shyny óndirýge qaýqarly. Jalpy ınvestısıalyq quny – 710 mln teńge. Jańa óndiris aımaǵynda 2 aýysymda 10 adam jumyspen qamtylady.
Bul – Ordabasy aýdany úshin mańyzdy ári ınovasıalyq jobalardyń biri. Ónimniń jańa túrin shyǵarýǵa baǵyttalǵan bul óndiris sehy Italıanyń zamanaýı tehnologıalyq jabdyqtarymen jabdyqtalǵan.
Shıkizat Reseı, Túrikmenstan memleketteri men Qyzylorda qalasyndaǵy «OrdaGlass» JSHS tabaq shyny zaýytynan ákelinedi.
Ónimder joǵary temperatýrada shynyqtyrý arqyly alynǵan shyny avtokólikterge, tehnıkalarǵa, zamanaýı arhıtektýralyq nysandardyń fasadtyq terezeleri men ártúrli maqsattaǵy daıyn ónim túrlerine qoldanylady.
