Jetisý oblysynda eki kóliktiń qatysýymen bolǵan jol-kólik oqiǵasy saldarynan bes adam kóz jumdy, dep habarlaidy dalanews.kz.
Oblystyq politsiia departamentiniń málimetinshe, qaiǵyly oqiǵa 26 maýsym kúni keshki ýaqytta Almaty – Óskemen tasjolynyń 432-shaqyrymynda bolǵan.
Jol apatyna eki avtokólik qatysqan. Apat saldarynan eki júrgizýshi men úsh jolaýshy oqiǵa ornynda qaza tapty.
Sondai-aq túrli dene jaraqatyn alǵan taǵy eki jolaýshy meditsinalyq mekemege jetkizildi.
Atalǵan fakti boiynsha qylmystyq is qozǵaldy. Qazirgi ýaqytta politsiia qyzmetkerleri jol apatynyń mán-jaiy men sebepterin anyqtaý úshin sotqa deiingi tergeý júrgizip jatyr.
