ورداباسى اۋدانى, «بادام» يندۋستريالدى ايماعىندا ورنالاسقان «KazKioti» جشس-نٸڭ بازاسىندا «ستەكلو Rez» جشس-نٸڭ شىنى ٶڭدەۋ جەنە شىنىنى جوعارى تەمپەراتۋرادا شىنىقتىرۋ جوباسى جٷزەگە استى, - دەپ حابارلايدى Dalanews.kz
جوبانىڭ قۋاتتىلىعىنا كەلسەك, ايىنا 20 000 شارشى مەتر شىنى ٶندٸرۋگە قاۋقارلى. جالپى ينۆەستيتسييالىق قۇنى – 710 ملن تەڭگە. جاڭا ٶندٸرٸس ايماعىندا 2 اۋىسىمدا 10 ادام جۇمىسپەن قامتىلادى.
بۇل – ورداباسى اۋدانى ٷشٸن ماڭىزدى ەرٸ يننوۆاتسييالىق جوبالاردىڭ بٸرٸ. ٶنٸمنٸڭ جاڭا تٷرٸن شىعارۋعا باعىتتالعان بۇل ٶندٸرٸس تسەحى يتالييانىڭ زاماناۋي تەحنولوگييالىق جابدىقتارىمەن جابدىقتالعان.
شيكٸزات رەسەي, تٷرٸكمەنستان مەملەكەتتەرٸ مەن قىزىلوردا قالاسىنداعى «OrdaGlass» جشس تاباق شىنى زاۋىتىنان ەكەلٸنەدٸ.
ٶنٸمدەر جوعارى تەمپەراتۋرادا شىنىقتىرۋ ارقىلى الىنعان شىنى اۆتوكٶلٸكتەرگە, تەحنيكالارعا, زاماناۋي ارحيتەكتۋرالىق نىسانداردىڭ فاسادتىق تەرەزەلەرٸ مەن ەرتٷرلٸ ماقساتتاعى دايىن ٶنٸم تٷرلەرٸنە قولدانىلادى.
