Onyń aitýynsha, óńirde egistikti ártaraptandyrýǵa sáikes, kókónis-baqsha daqyldarynyń egis kólemi – 122 myń ga, mal azyqtyq daqyldar – 213 myń ga, maily daqyldar kólemi – 91,4 myń ga, masaqty daqyldar– 226,9 myń ga, maqta daqyly – 118 myń ga aimaqqa egiletin bolady.
Búgingi kúnge 505 myń gektar jazdyq daqyldardyń 206,4 myń gektary, iaǵni 40 paiyzy otyrǵyzylǵan. Sondai-aq, oblysta jer aidaý jumystary - 424 myń gektarǵa, al sor shaiý jumystary 113 myń gektarǵa mejelenip, tolyǵymen oryndaldy.
Aita keterligi, kóktemgi dala jumystaryn júrgizýge 37 myń tonna janarmai bólingen. Dizel otynynyń bosatý baǵasy sáýir aiynan bastap litrine shaqqanda 160 teńgeni quraidy. Bul naryqtyq baǵadan 25 teńgege arzan.
Budan bólek, 93,5 myń tonna mineraldy tyńaitqyshtardyń qunyn sýbsidiialaýǵa 3,75 mlrd teńge qarjy bólinip otyr. Búgingi tańda oblysqa «KazAzot» AQ jáne tyńaitqysh óndirýshiler men tarapynan 27 myń tonna mineraldy tyńaitqyshtar jetkizilip, 7 myń tonnasy taýar óndirýshilerge úlestirilgen. Kóktemgi dala jumystaryn júrgizýge «Agrarlyq nesie korporatsiiasy» AQ tarapynan 5,3 mlrd. teńge nesie qarjy qaralyp, 2,6 mlrd. teńgege 654 joba maquldanyp, 1 mlrd. teńge 112 taýaróndirýshi qarjylandyryldy.
Oblysta agroónerkásip kesheninde eńbek ónimdiligin arttyrý maqsatynda «Bir alqaptan jylyna 2-3 ónim alý» jobasyn qolǵa alynǵan bolatyn. Nátijesinde, 2019 jyly 3 mlrd. teńgege 107 joba iske asyp, 9 mlrd. teńge kóleminde aýyl sharýashylyǵy ónimderi óndirildi. Qosymsha 364 jumys orny ashyldy.
Sonymen qatar, biyl óńirde 8 myń gektarǵa erte pisetin qyryqqabat egilip, sáýir-mamyr ailarynda 300 myń tonnadan astam ónim jinaý josparlanyp otyr.
Túrkistan oblysynyń Óńirlik kommýnikatsiialar qyzmeti
https://dalanews.kz/52195
