ونىڭ ايتۋىنشا، وڭىردە ەگىستىكتى ءارتاراپتاندىرۋعا سايكەس، كوكونىس-باقشا داقىلدارىنىڭ ەگىس كولەمى – 122 مىڭ گا، مال ازىقتىق داقىلدار – 213 مىڭ گا، مايلى داقىلدار كولەمى – 91،4 مىڭ گا، ماساقتى داقىلدار– 226،9 مىڭ گا، ماقتا داقىلى – 118 مىڭ گا ايماققا ەگىلەتىن بولادى.
بۇگىنگى كۇنگە 505 مىڭ گەكتار جازدىق داقىلداردىڭ 206،4 مىڭ گەكتارى، ياعني 40 پايىزى وتىرعىزىلعان. سونداي-اق، وبلىستا جەر ايداۋ جۇمىستارى - 424 مىڭ گەكتارعا، ال سور شايۋ جۇمىستارى 113 مىڭ گەكتارعا مەجەلەنىپ، تولىعىمەن ورىندالدى.
ايتا كەتەرلىگى، كوكتەمگى دالا جۇمىستارىن جۇرگىزۋگە 37 مىڭ توننا جانارماي بولىنگەن. ديزەل وتىنىنىڭ بوساتۋ باعاسى ءساۋىر ايىنان باستاپ ليترىنە شاققاندا 160 تەڭگەنى قۇرايدى. بۇل نارىقتىق باعادان 25 تەڭگەگە ارزان.
بۇدان بولەك، 93،5 مىڭ توننا مينەرالدى تىڭايتقىشتاردىڭ قۇنىن سۋبسيديالاۋعا 3،75 ملرد تەڭگە قارجى ءبولىنىپ وتىر. بۇگىنگى تاڭدا وبلىسقا «كازازوت» اق جانە تىڭايتقىش وندىرۋشىلەر مەن تاراپىنان 27 مىڭ توننا مينەرالدى تىڭايتقىشتار جەتكىزىلىپ، 7 مىڭ تونناسى تاۋار وندىرۋشىلەرگە ۇلەستىرىلگەن. كوكتەمگى دالا جۇمىستارىن جۇرگىزۋگە «اگرارلىق نەسيە كورپوراسياسى» اق تاراپىنان 5،3 ملرد. تەڭگە نەسيە قارجى قارالىپ، 2،6 ملرد. تەڭگەگە 654 جوبا ماقۇلدانىپ، 1 ملرد. تەڭگە 112 ءتاۋاروندىرۋشى قارجىلاندىرىلدى.
وبلىستا اگروونەركاسىپ كەشەنىندە ەڭبەك ونىمدىلىگىن ارتتىرۋ ماقساتىندا «ءبىر القاپتان جىلىنا 2-3 ءونىم الۋ» جوباسىن قولعا الىنعان بولاتىن. ناتيجەسىندە، 2019 جىلى 3 ملرد. تەڭگەگە 107 جوبا ىسكە اسىپ، 9 ملرد. تەڭگە كولەمىندە اۋىل شارۋاشىلىعى ونىمدەرى ءوندىرىلدى. قوسىمشا 364 جۇمىس ورنى اشىلدى.
سونىمەن قاتار، بيىل وڭىردە 8 مىڭ گەكتارعا ەرتە پىسەتىن قىرىققابات ەگىلىپ، ءساۋىر-مامىر ايلارىندا 300 مىڭ توننادان استام ءونىم جيناۋ جوسپارلانىپ وتىر.
تۇركىستان وبلىسىنىڭ وڭىرلىك كوممۋنيكاسيالار قىزمەتى
https://dalanews.kz/52195
