Zoom platformasy arqyly Arys, Kentaý, Túrkistan qalalary men Tólebi aýdanynda qurylǵan jedel áreket etý toptarynyń jumystary boiynsha baiandamalar tyńdaldy. Túrkistan qalasy ákiminiń orynbasary Murat Bazarqulovtyń aitýynsha, oblys ortalyǵynda jedel áreket etý toby jumys istep jatyr. Atalǵan top politsiia qyzmetkerleri, densaýlyq saqtaý, bilim salalalarynyń qyzmetkerlerimen birlesip, kóptegen máselelerdi sheshýge yqpal etken. Atap aitsaq, 264 adamǵa quqyqtyq, psihologiialyq, áleýmettik jáne dini negizde turmystyq zorlyq-zombylyq máseleleri boiynsha qyzmet kórsetilgen. Zańgerdiń qyzmetine – 104 adam, psiholog qyzmetine – 73, áleýmettik sala qyzmetine –79 jáne teologtyń qyzmetine 8 adam júgingen. Otbasy men týystary bas tartqan 3 qariiany Shymkent qalasyna áleýmettik beiimdeý ortalyǵyna ornalastyrýǵa kómek kórsetilse, ishkilikke salynǵan 4 jas ana psihologiialyq jáne narkologiialyq dispanserlik ortalyqqa emdelýge joldanǵan. Balalary týystaryna jáne beiimdeý ortalyǵyna ornalastyrylǵan.
Arys qalasy ákiminiń orynbasary Rysdáýlet Aitbaevtyń aitýynsha, Arys APB-niń esebinde 18 jasóspirim jáne 45 qiyn otbasy esepte turady. Qiyn jaǵdaida qalǵan jáne áleýmettik jaǵdaiy tómen otbasylardy qoldaý boiynsha ákimdik pen quzyrly organdar tarapynan tiisti jumystar qolǵa alynǵan. Kentaý qalasy ákiminiń orynbasary Bekaidar Alimbetov shaharda jedel áreket etý toby quramyna túrli jaýapty mekeme basshylary men ókilderi engizilip, tiisti ideologiialyq jáne uiymdastyrý jumystary atqarylǵanyn aitty. Oqý oryndarynda kezdesýler, is-sharalar uiymdastyrylyp, jasóspirimderge psihologiialyq keńes berilgen. Sonymen birge az qamtylǵan otbasylarǵa ákimdik jáne demeýshiler arqyly qoldaý kórsetilgen. Áielderdi otbasyndaǵy zorlyq-zombylyqtan qorǵaý maqsatynda júrgizilgen is-sharalar nátijesinde 2021 jyldyń 3 aiynda 73 tulǵaǵa qatysty qorǵaý nusqamasy shyǵarylyp, 52 tulǵa QR ÁQBtK-niń 73-babymen ákimshilik jaýapqa tartylǵan. Áleýmettik jaǵdaiy tómen jáne qolaisyz otbasylardaǵy 8 turǵyn alkogolizmnen profilaktikalyq emdeýge, 4 adam sot sheshimimen 6 ai merzimine májbúrlep emdeýge jiberilgen. Qazir Kentaýda 14 jaisyz otbasy esepke alynǵan. Kentaý qalalyq ishki ister bóliminde 30 otbasy esepte turady, ol shańyraqtarda 49 kámeletke tolmaǵan bala tárbilelenedi. Onyń 42-si mektepke barady. Atalǵan oqýshylar mektep basshylyǵy, pedagogtar men psihologtardyń jiti qadaǵalaýyna alynǵan. Tóle bi aýdanynda da «Baqytty otbasy» jobasy boiynsha qozǵalys bar. 2020 jyly aýdanda psihologiialyq kómekti asa qajet etetin 73 otbasy nazarǵa alynyp, quqyqtyq keńester berilgen. Atalǵan 3 qala men 1 aýdanda «Nur Otan» partiiasynyń «Biz birgemiz» aktsiiasy uiymdastyrylyp, otbasylarǵa azyq-túlik, tiisti kómek usynylǵan. Sondai-aq otbasylyq zorlyq-zombylyqqa qarsy aqparattyq jumystar qolǵa alynǵan.
– Jedel áreket etý tobynyń maqsaty – qiyn jaǵdaiǵa tap bolǵan otbasylardy anyqtap, jergilikti ákimdikter men qoǵam arqyly olarǵa jan-jaqty kómek kórsetý. Biz ana men balanyń quqyǵyn qorǵaý, jalpy qiyn jaǵdaiǵa tap bolǵan otbasylardy qoldaý máselesin nazarda ustaýymyz kerek. «Nur Otan» partiiasynyń «Baqytty otbasy» jobasy aiasynda barlyq aýdandarda bul jumys jalǵasady, – dedi.
Jedel áreket etý toptary óńirde óz jumysyn 2020 jyly bastaǵan. Búgingi tańda 1 oblystyq, 3 qalalyq, 13 aýdandyq, 174 aýyldyq, jalpy sany 191 jedel áreket etý toby qurylǵan. Onyń quramy partiia ókilderi, mektep psihologtary men ustazdardan, politseiler, dárigerler men áleýmettik baǵyttaǵy qyzmetkerlerden jasaqtalǵan.
«Nur Otan» partiiasy Túrkistan oblystyq filialynyń baspasóz qyzmeti
