Zoom پلاتفورماسى ارقىلى ارىس، كەنتاۋ، تۇركىستان قالالارى مەن تولەبي اۋدانىندا قۇرىلعان جەدەل ارەكەت ەتۋ توپتارىنىڭ جۇمىستارى بويىنشا باياندامالار تىڭدالدى. تۇركىستان قالاسى اكىمىنىڭ ورىنباسارى مۇرات بازارقۇلوۆتىڭ ايتۋىنشا، وبلىس ورتالىعىندا جەدەل ارەكەت ەتۋ توبى جۇمىس ىستەپ جاتىر. اتالعان توپ پوليسيا قىزمەتكەرلەرى، دەنساۋلىق ساقتاۋ، ءبىلىم سالالالارىنىڭ قىزمەتكەرلەرىمەن بىرلەسىپ، كوپتەگەن ماسەلەلەردى شەشۋگە ىقپال ەتكەن. اتاپ ايتساق، 264 ادامعا قۇقىقتىق، پسيحولوگيالىق، الەۋمەتتىك جانە ءدىني نەگىزدە تۇرمىستىق زورلىق-زومبىلىق ماسەلەلەرى بويىنشا قىزمەت كورسەتىلگەن. زاڭگەردىڭ قىزمەتىنە – 104 ادام، پسيحولوگ قىزمەتىنە – 73، الەۋمەتتىك سالا قىزمەتىنە –79 جانە تەولوگتىڭ قىزمەتىنە 8 ادام جۇگىنگەن. وتباسى مەن تۋىستارى باس تارتقان 3 قاريانى شىمكەنت قالاسىنا الەۋمەتتىك بەيىمدەۋ ورتالىعىنا ورنالاستىرۋعا كومەك كورسەتىلسە، ىشكىلىككە سالىنعان 4 جاس انا پسيحولوگيالىق جانە ناركولوگيالىق ديسپانسەرلىك ورتالىققا ەمدەلۋگە جولدانعان. بالالارى تۋىستارىنا جانە بەيىمدەۋ ورتالىعىنا ورنالاستىرىلعان.
ارىس قالاسى اكىمىنىڭ ورىنباسارى رىسداۋلەت ايتبايەۆتىڭ ايتۋىنشا، ارىس ءاپب-نىڭ ەسەبىندە 18 ءجاسوسپىرىم جانە 45 قيىن وتباسى ەسەپتە تۇرادى. قيىن جاعدايدا قالعان جانە الەۋمەتتىك جاعدايى تومەن وتباسىلاردى قولداۋ بويىنشا اكىمدىك پەن قۇزىرلى ورگاندار تاراپىنان ءتيىستى جۇمىستار قولعا الىنعان. كەنتاۋ قالاسى اكىمىنىڭ ورىنباسارى بەكايدار اليمبەتوۆ شاھاردا جەدەل ارەكەت ەتۋ توبى قۇرامىنا ءتۇرلى جاۋاپتى مەكەمە باسشىلارى مەن وكىلدەرى ەنگىزىلىپ، ءتيىستى يدەولوگيالىق جانە ۇيىمداستىرۋ جۇمىستارى اتقارىلعانىن ايتتى. وقۋ ورىندارىندا كەزدەسۋلەر، ءىس-شارالار ۇيىمداستىرىلىپ، جاسوسپىرىمدەرگە پسيحولوگيالىق كەڭەس بەرىلگەن. سونىمەن بىرگە از قامتىلعان وتباسىلارعا اكىمدىك جانە دەمەۋشىلەر ارقىلى قولداۋ كورسەتىلگەن. ايەلدەردى وتباسىنداعى زورلىق-زومبىلىقتان قورعاۋ ماقساتىندا جۇرگىزىلگەن ءىس-شارالار ناتيجەسىندە 2021 جىلدىڭ 3 ايىندا 73 تۇلعاعا قاتىستى قورعاۋ نۇسقاماسى شىعارىلىپ، 52 تۇلعا ق ر اقبتك-نىڭ 73-بابىمەن اكىمشىلىك جاۋاپقا تارتىلعان. الەۋمەتتىك جاعدايى تومەن جانە قولايسىز وتباسىلارداعى 8 تۇرعىن الكوگوليزمنەن پروفيلاكتيكالىق ەمدەۋگە، 4 ادام سوت شەشىمىمەن 6 اي مەرزىمىنە ماجبۇرلەپ ەمدەۋگە جىبەرىلگەن. ءقازىر كەنتاۋدا 14 جايسىز وتباسى ەسەپكە الىنعان. كەنتاۋ قالالىق ىشكى ىستەر بولىمىندە 30 وتباسى ەسەپتە تۇرادى، ول شاڭىراقتاردا 49 كامەلەتكە تولماعان بالا تاربيلەلەنەدى. ونىڭ 42ء-سى مەكتەپكە بارادى. اتالعان وقۋشىلار مەكتەپ باسشىلىعى، پەداگوگتار مەن پسيحولوگتاردىڭ ءجىتى قاداعالاۋىنا الىنعان. تولە بي اۋدانىندا دا «باقىتتى وتباسى» جوباسى بويىنشا قوزعالىس بار. 2020 جىلى اۋداندا پسيحولوگيالىق كومەكتى اسا قاجەت ەتەتىن 73 وتباسى نازارعا الىنىپ، قۇقىقتىق كەڭەستەر بەرىلگەن. اتالعان 3 قالا مەن 1 اۋداندا «Nur Otan» پارتياسىنىڭ «ءبىز بىرگەمىز» اكسياسى ۇيىمداستىرىلىپ، وتباسىلارعا ازىق-تۇلىك، ءتيىستى كومەك ۇسىنىلعان. سونداي-اق وتباسىلىق زورلىق-زومبىلىققا قارسى اقپاراتتىق جۇمىستار قولعا الىنعان.
جيىندا «Jas Otan» جاستار قاناتى تۇركىستان وبلىستىق فيليالىنىڭ ءتوراعاسى جانسەرىك جۇمان قيىن جاعدايعا قالعان وتباسىلارعا تەك الەۋمەتتىك كومەك كورسەتىلىپ قانا قويماي، ولاردى تۇراقتى جۇمىسپەن قامتۋ جولعا قويىلسا دەگەن ۇسىنىسىن جەتكىزدى. وعان قوسا جۋىردا توتەنشە جاعدايلار دەپارتامەنتىنىڭ ماماندارى جانە جەرگىلىكتى جاۋاپتى مەكەمە قىزمەتكەرلەرى مەن ەرىكتى جاستاردىڭ مونيتورينگ جۇمىس قورتىندىسىنا دا توقتالدى. اتالعان توپ تۇركىستان قالاسىندا 13 كارىز قۇدىعىنىڭ قاقپاعى اشىق ءارى تۇرعىندار ءۇشىن ءقاۋىپتى كۇيدە قالىپ تۇرعانىن ايتتى. جاۋاپتى مەكەمەلەردىڭ بۇل ماسەلەگە جەدەل نازار اۋدارۋ كەرەكتىگىن جەتكىزدى. جيىندى قورتىندىلاعان كالىيما جانتورەيەۆا:
– جەدەل ارەكەت ەتۋ توبىنىڭ ماقساتى – قيىن جاعدايعا تاپ بولعان وتباسىلاردى انىقتاپ، جەرگىلىكتى اكىمدىكتەر مەن قوعام ارقىلى ولارعا جان-جاقتى كومەك كورسەتۋ. ءبىز انا مەن بالانىڭ قۇقىعىن قورعاۋ، جالپى قيىن جاعدايعا تاپ بولعان وتباسىلاردى قولداۋ ماسەلەسىن نازاردا ۇستاۋىمىز كەرەك. «Nur Otan» پارتياسىنىڭ «باقىتتى وتباسى» جوباسى اياسىندا بارلىق اۋدانداردا بۇل جۇمىس جالعاسادى، – دەدى.
جەدەل ارەكەت ەتۋ توپتارى وڭىردە ءوز جۇمىسىن 2020 جىلى باستاعان. بۇگىنگى تاڭدا 1 وبلىستىق، 3 قالالىق، 13 اۋداندىق، 174 اۋىلدىق، جالپى سانى 191 جەدەل ارەكەت ەتۋ توبى قۇرىلعان. ونىڭ قۇرامى پارتيا وكىلدەرى، مەكتەپ پسيحولوگتارى مەن ۇستازداردان، پوليسەيلەر، دارىگەرلەر مەن الەۋمەتتىك باعىتتاعى قىزمەتكەرلەردەن جاساقتالعان.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
