Túrkistan oblysynyń prokýratýrasy ataýly áleýmettik kómekti zańsyz alý derekterin áshkereledi. Tekserý barysynda 86 otbasynyń memleketke 17 mln teńge shyǵyn keltirgeni belgili boldy,- dep habarlaidy Dalanews.kz
Resmi málimetke sáikes, 2025 jyly óńirde ataýly áleýmettik kómek alýshylardyń sany 91 myń adamdy qurady. Bul kórsetkish sońǵy úsh jylda birtindep azaiǵan: 2023 jyly – 168 myń, 2024 jyly – 97 myń adam.
Degenmen, taldaý nátijesi keibir otbasylardyń qujat tapsyrý kezinde bir mekenjaidy kórsetkenin anyqtady. Budan bólek 56 ótinish boiynsha jalǵan qorytyndylar jasalyp, 9,7 mln teńge zańsyz tólengen.
Tekserý kezinde taǵy 22 otbasynyń óz menshigindegi múlikti (avtokólik, jer ýchaskesi jáne t.b.) jasyrǵany, al 13 otbasynyń tabysyn kórsetpegeni belgili boldy.
Prokýratýra ákimdikke zań buzýshylyqtardy joiý jáne 36 mln teńgeden astam qarjyny memleketke qaitarý jóninde usynys engizdi. Qazirgi tańda ákimdik aktini qaraý barysynda tiisti sharalar qabyldaýda.
