تۇركىستان وبلىسىنىڭ پروكۋراتۋراسى اتاۋلى الەۋمەتتىك كومەكتى زاڭسىز الۋ دەرەكتەرىن اشكەرەلەدى. تەكسەرۋ بارىسىندا 86 وتباسىنىڭ مەملەكەتكە 17 ملن تەڭگە شىعىن كەلتىرگەنى بەلگىلى بولدى،- دەپ حابارلايدى Dalanews.kz
رەسمي مالىمەتكە سايكەس، 2025 جىلى وڭىردە اتاۋلى الەۋمەتتىك كومەك الۋشىلاردىڭ سانى 91 مىڭ ادامدى قۇرادى. بۇل كورسەتكىش سوڭعى ءۇش جىلدا بىرتىندەپ ازايعان: 2023 جىلى – 168 مىڭ، 2024 جىلى – 97 مىڭ ادام.
دەگەنمەن، تالداۋ ناتيجەسى كەيبىر وتباسىلاردىڭ قۇجات تاپسىرۋ كەزىندە ءبىر مەكەنجايدى كورسەتكەنىن انىقتادى. بۇدان بولەك 56 ءوتىنىش بويىنشا جالعان قورىتىندىلار جاسالىپ، 9،7 ملن تەڭگە زاڭسىز تولەنگەن.
تەكسەرۋ كەزىندە تاعى 22 وتباسىنىڭ ءوز مەنشىگىندەگى مۇلىكتى (اۆتوكولىك، جەر ۋچاسكەسى جانە ت.ب.) جاسىرعانى، ال 13 وتباسىنىڭ تابىسىن كورسەتپەگەنى بەلگىلى بولدى.
پروكۋراتۋرا اكىمدىككە زاڭ بۇزۋشىلىقتاردى جويۋ جانە 36 ملن تەڭگەدەن استام قارجىنى مەملەكەتكە قايتارۋ جونىندە ۇسىنىس ەنگىزدى. قازىرگى تاڭدا اكىمدىك اكتىنى قاراۋ بارىسىندا ءتيىستى شارالار قابىلداۋدا.
