Basqarma basshysynyń sózinshe, biyl aýa-raiy aýyl sharýashylyǵyna qolaisyz bolǵandyǵyna qaramastan agroónekásip kesheniniń damýy turaqtylyǵyn saqtaǵan.
– Aýyl sharýashylyǵy negizgi kapitalyna 42,7 mlrd teńge investitsiia tartylyp, ótken jyldyń tiisti kezeńimen salystyrǵanda 1,6 esege artqan. Jalpy oblys boiynsha aýyl sharýashylyǵy daqyldary 842,4 myń gektarǵa ornalastyrylǵan. Onyń 237,9 myń gektaryna – astyq egilip, 241,2 myń tonna ónim qambaǵa quiyldy, – dedi N.Badyraqov.
Egistikti ártaraptandyrýdyń nátijesinde kókónis, baqsha, kartop ónimderiniń túsimdiligi ortasha 20 tsentnerge ósip, 3,3 mln tonna ónim jinaldy. Al aǵymdaǵy jyldyń 9 aiynda maqta daqylynan 281 myń tonna ónim alynǵan.
Biylǵy jyly 18 maqta óńdeý zaýyttarynyń 206 maqta qabyldaý beketteri arqyly 1 tonna shitti maqtany 320 myń teńge baǵada qabyldaýda. Baǵa ótken jylmen salystyrǵanda 150 myń teńgege artqan.
Sondai-aq, basqarma basshysy mal azyqtyq qordy qamtamasyz etý turaqty baqylaýǵa alynyp, nátijesinde 4,2 mln tonna mal azyǵy daiyndalǵanyn jetkizdi. Bul oblystaǵy mal basyna qajettiliktiń 108 paiyzyn qamtamasyz etedi.
Óńirde 105,3 gektarǵa jylyjai salynyp, jalpy kólemi 1 437 gektardy qurady. Búginge deiin jylyjailardan jalpy 145,1 myń tonna ónim óndirilgen.
