باسقارما باسشىسىنىڭ سوزىنشە، بيىل اۋا-رايى اۋىل شارۋاشىلىعىنا قولايسىز بولعاندىعىنا قاراماستان اگروونەكاسىپ كەشەنىنىڭ دامۋى تۇراقتىلىعىن ساقتاعان.
– اۋىل شارۋاشىلىعى نەگىزگى كاپيتالىنا 42،7 ملرد تەڭگە ينۆەستيسيا تارتىلىپ، وتكەن جىلدىڭ ءتيىستى كەزەڭىمەن سالىستىرعاندا 1،6 ەسەگە ارتقان. جالپى وبلىس بويىنشا اۋىل شارۋاشىلىعى داقىلدارى 842،4 مىڭ گەكتارعا ورنالاستىرىلعان. ونىڭ 237،9 مىڭ گەكتارىنا – استىق ەگىلىپ، 241،2 مىڭ توننا ءونىم قامباعا قۇيىلدى، – دەدى ن.بادىراقوۆ.
ەگىستىكتى ءارتاراپتاندىرۋدىڭ ناتيجەسىندە كوكونىس، باقشا، كارتوپ ونىمدەرىنىڭ تۇسىمدىلىگى ورتاشا 20 سەنتنەرگە ءوسىپ، 3،3 ملن توننا ءونىم جينالدى. ال اعىمداعى جىلدىڭ 9 ايىندا ماقتا داقىلىنان 281 مىڭ توننا ءونىم الىنعان.
بيىلعى جىلى 18 ماقتا وڭدەۋ زاۋىتتارىنىڭ 206 ماقتا قابىلداۋ بەكەتتەرى ارقىلى 1 توننا ءشيتتى ماقتانى 320 مىڭ تەڭگە باعادا قابىلداۋدا. باعا وتكەن جىلمەن سالىستىرعاندا 150 مىڭ تەڭگەگە ارتقان.
سونداي-اق، باسقارما باسشىسى مال ازىقتىق قوردى قامتاماسىز ەتۋ تۇراقتى باقىلاۋعا الىنىپ، ناتيجەسىندە 4،2 ملن توننا مال ازىعى دايىندالعانىن جەتكىزدى. بۇل وبلىستاعى مال باسىنا قاجەتتىلىكتىڭ 108 پايىزىن قامتاماسىز ەتەدى.
وڭىردە 105،3 گەكتارعا جىلىجاي سالىنىپ، جالپى كولەمى 1 437 گەكتاردى قۇرادى. بۇگىنگە دەيىن جىلىجايلاردان جالپى 145،1 مىڭ توننا ءونىم وندىرىلگەن.
