Túrkistan oblysynyń ákimi Nuralhan Kósherovtiń tóraǵalyǵymen turǵyndardy baspanamen qamtý, óńirde turǵyn úiler salý baǵytyndaǵy ózekti máseleler talqylandy, dep habarlaidy Dalanews.kz
Oblys ákimi jaýapty basshylarǵa turǵyn úi qurylysy salasyn tiianaqty zerdelep, jumysty sapaly atqarýdy tapsyrdy.
– Qurylys basqarmasynda turǵyn úi saiasatyna qatysty naqty saraptama bolýy kerek. Zerdeleý jumystaryn júrgizip, sol arqyly jospar jasalady. Baspanamen qamtý – óte ózekti másele. Aýdan, qala ákimderiniń osy baǵyttaǵy kórsetkishterin saralap, tiisti usynystar berińizder. Úi salatyn aimaqty infraqurylymmen qamtý, qurylysty qarjylandyrýǵa qatysty sharalar da zerttelip, turǵyn úilerdiń qurylysy ýaqtyly ári sapaly júrgizilýi tiis, – dedi Nuralhan Kósherov.
Túrkistan oblystyq qurylys basqarmasynyń basshysy Sultanǵali Jalquldyń aitýynsha, 2018-2024 jyldar aralyǵynda kezekte turǵan azamattarǵa biýdjet esebinen 16 925 (9308 – arendalyq, 7617 – kredittik) páter paidalanýǵa berildi. 2024 jyly 47,8 mlrd teńgege 2590 arendalyq páter (245 úi, 170,1 myń m2) satyp alynǵan. Oblysqa 2025 jyly 578 arendalyq páter satyp alýǵa 7,7 mlrd. teńge bólindi. Bul baǵyttaǵy jumystar jalǵasady.
