تٷركٸستان وبلىسىنىڭ ەكٸمٸ نۇرالحان كٶشەروۆتٸڭ تٶراعالىعىمەن تۇرعىنداردى باسپانامەن قامتۋ, ٶڭٸردە تۇرعىن ٷيلەر سالۋ باعىتىنداعى ٶزەكتٸ مەسەلەلەر تالقىلاندى, دەپ حابارلايدى Dalanews.kz
وبلىس ەكٸمٸ جاۋاپتى باسشىلارعا تۇرعىن ٷي قۇرىلىسى سالاسىن تيياناقتى زەردەلەپ, جۇمىستى ساپالى اتقارۋدى تاپسىردى.
– قۇرىلىس باسقارماسىندا تۇرعىن ٷي ساياساتىنا قاتىستى ناقتى ساراپتاما بولۋى كەرەك. زەردەلەۋ جۇمىستارىن جٷرگٸزٸپ, سول ارقىلى جوسپار جاسالادى. باسپانامەن قامتۋ – ٶتە ٶزەكتٸ مەسەلە. اۋدان, قالا ەكٸمدەرٸنٸڭ وسى باعىتتاعى كٶرسەتكٸشتەرٸن سارالاپ, تيٸستٸ ۇسىنىستار بەرٸڭٸزدەر. ٷي سالاتىن ايماقتى ينفراقۇرىلىممەن قامتۋ, قۇرىلىستى قارجىلاندىرۋعا قاتىستى شارالار دا زەرتتەلٸپ, تۇرعىن ٷيلەردٸڭ قۇرىلىسى ۋاقتىلى ەرٸ ساپالى جٷرگٸزٸلۋٸ تيٸس, – دەدٸ نۇرالحان كٶشەروۆ.
تٷركٸستان وبلىستىق قۇرىلىس باسقارماسىنىڭ باسشىسى سۇلتانعالي جالقۇلدىڭ ايتۋىنشا, 2018-2024 جىلدار ارالىعىندا كەزەكتە تۇرعان ازاماتتارعا بيۋدجەت ەسەبٸنەن 16 925 (9308 – ارەندالىق, 7617 – كرەديتتٸك) پەتەر پايدالانۋعا بەرٸلدٸ. 2024 جىلى 47,8 ملرد تەڭگەگە 2590 ارەندالىق پەتەر (245 ٷي, 170,1 مىڭ م2) ساتىپ الىنعان. وبلىسقا 2025 جىلى 578 ارەندالىق پەتەر ساتىپ الۋعا 7,7 ملرد. تەڭگە بٶلٸندٸ. بۇل باعىتتاعى جۇمىستار جالعاسادى.
