Elbasynyń tikeleı bastamasymen júzege asyrylyp kele jatqan «Serpin» baǵdarlamasy boıynsha Túrkistan oblysynda 7500-den astam jas Soltústik óńirlerdegi oqý oryndarynda bilim alýda. Osylaısha jalpy respýblıka kóleminde bólingen 15 myńǵa jýyq granttyń 50 paıyzdan astamyn Túrkistan oblysynyń jastary ıelengen.
Búgingi tańda oblysta 750 myńnan astam jas bar, bul óńir halqynyń 26 paıyzy. Qazir aımaqta jastarǵa arnalǵan 57 qoǵamdyq birlestik, 7 respýblıkalyq jastar uıymdarynyń fılıaldary men 20 etnomádenı ortalyqtyń janynan jastar qanattary jumys istep keledi. Sonymen qatar, joǵary oqý oryndary men kolejderde – 41, al kásiporyndarda –13 jastar isi komıtetteri bar.
Budan ózge, «Jasyl el» eńbek jasaqtaryna jyl saıyn myńnan astam jastar tartylyp, elimizge paıdasyn tıgizedi. Osy jasaqtardyń kúshimen 117 eldi mekendegi 6 myń metrge jýyq sharbaqtar syrlanyp, 100 myńnan astam kóshet otyrǵyzylǵan. Jalpy 445,8 myń gektar saıabaqtar men aleıalar, kóshe boılary abattandyryldy. Stýdenttik qurylys otrádtarynda 500-ge jýyq jas eńbek etti.
Túrkistan oblysy ákiminiń baspasóz qyzmeti
