ەلباسىنىڭ تىكەلەي باستاماسىمەن جۇزەگە اسىرىلىپ كەلە جاتقان «سەرپىن» باعدارلاماسى بويىنشا تۇركىستان وبلىسىندا 7500-دەن استام جاس سولتۇستىك وڭىرلەردەگى وقۋ ورىندارىندا ءبىلىم الۋدا. وسىلايشا جالپى رەسپۋبليكا كولەمىندە بولىنگەن 15 مىڭعا جۋىق گرانتتىڭ 50 پايىزدان استامىن تۇركىستان وبلىسىنىڭ جاستارى يەلەنگەن.
بۇگىنگى تاڭدا وبلىستا 750 مىڭنان استام جاس بار، بۇل ءوڭىر حالقىنىڭ 26 پايىزى. ءقازىر ايماقتا جاستارعا ارنالعان 57 قوعامدىق بىرلەستىك، 7 رەسپۋبليكالىق جاستار ۇيىمدارىنىڭ فيليالدارى مەن 20 ەتنومادەني ورتالىقتىڭ جانىنان جاستار قاناتتارى جۇمىس ىستەپ كەلەدى. سونىمەن قاتار، جوعارى وقۋ ورىندارى مەن كوللەدجدەردە – 41، ال كاسىپورىنداردا –13 جاستار ءىسى كوميتەتتەرى بار.
بۇدان وزگە، «جاسىل ەل» ەڭبەك جاساقتارىنا جىل سايىن مىڭنان استام جاستار تارتىلىپ، ەلىمىزگە پايداسىن تيگىزەدى. وسى جاساقتاردىڭ كۇشىمەن 117 ەلدى مەكەندەگى 6 مىڭ مەترگە جۋىق شارباقتار سىرلانىپ، 100 مىڭنان استام كوشەت وتىرعىزىلعان. جالپى 445،8 مىڭ گەكتار ساياباقتار مەن اللەيالار، كوشە بويلارى اباتتاندىرىلدى. ستۋدەنتتىك قۇرىلىس وتريادتارىندا 500-گە جۋىق جاس ەڭبەك ەتتى.
تۇركىستان وبلىسى اكىمىنىڭ باسپا ءسوز قىزمەتى
