ماڭعىستاۋ وبلىسىندا كاسپيي تەڭٸزٸندەگٸ ەسكەري وقۋ-جاتتىعۋ كەزٸندە قازا تاپقان ساربازداردىڭ وتباسىلارىنا قارجىلاي كٶمەك جينالا باستادى. الايدا بۇل باستاما ەلەۋمەتتٸك جەلٸدە سىنعا ۇشىرادى. كەيبٸر ازاماتتار ەسكەري مٸندەتٸن اتقارۋ كەزٸندە قازا تاپقان ساربازداردىڭ وتباسىنا مەملەكەت كٶمەكتەسۋگە تيٸس ەكەنٸن ايتىپ, قاراجاتتىڭ حالىقتان جينالۋىنا قارسىلىق بٸلدٸردٸ, دەپ حابارلايدى dalanews.kz.
جۋرناليست بيبٸگٷل رامازان كٶمەك جيناۋعا "ۇلتتىق رۋح" قوعامدىق بٸرلەستٸگٸنٸڭ تاڭدالۋىنا كٷمەن كەلتٸردٸ.
"ماڭعىستاۋ وبلىسىنىڭ ەكٸمدٸگٸ لادا سايتىنا وسىنداي ماقالا شىعارىپتى! “ۇلتتىق رۋح” دەگەن قوعامدىق قورعا اقشا جيناپ جاتىرمىز دەپتٸ! ماسقارا كٸمنٸڭ قورى? نە قور بۇل? سوندا بۇل ساربازداردىڭ اقشاسىن دا حالىقتان جيناپ بەرگٸسٸ كەلٸپ تۇر ما بيلٸك? حالىق ٶز قوتىرىن ٶزٸ قاسىپ جٷر! ەندٸ ٷكٸمەت بەرەتٸن اقشانى دا بٸز جيناپ بەرۋٸمٸز كەرەك پە?", – دەپ جازدى ول.
اۆتور ماڭعىستاۋ وبلىسىنىڭ ەكٸمٸ نۇردەۋلەت قيلىبايدان دا تٷسٸنٸكتەمە بەرۋدٸ سۇرادى.
"نۇردەۋلەت مىرزا پٸكٸر بەرٸڭٸز! مىناۋ قاي ساسقانىڭىز حالىقتان جىلۋ جيناپ! حالىق كەڭەسٸ 815 ملن جينادى دەپ تۇر! ەندٸ حالىقتان تاعى جينايسىڭ با?", – دەلٸنگەن جازبادا.
جەلٸ قولدانۋشىلارى "ۇلتتىق رۋح" قوعامدىق بٸرلەستٸگٸ تۋرالى ناقتى اقپاراتتىڭ از ەكەنٸن دە سىنعا الدى. ولار قوردى كٸم باسقاراتىنىن, ونىڭ نە سەبەپتٸ بٸرىڭعاي وپەراتور رەتٸندە تاڭدالعانىن جەنە جينالعان قاراجاتتىڭ قالاي جۇمسالاتىنىن اشىق تٷسٸندٸرۋدٸ تالاپ ەتتٸ.
"ۇلتتىق قور دەگەن كٸم? باسشىسى: سٷگٸرباي ايات دەگەن كەشە قۇرىلتايدا سايلانعان دەپۋتات ەكەن. نەگە بٸز دەپۋتاتتىڭ سچەتىنا اقشا سالۋىمىز كەرەك ەكەن?" – دەپ جازدى جەلٸ قولدانۋشىلارىنىڭ بٸرٸ.
جەلٸ قولدانۋشىلارى قازا تاپقان ساربازداردىڭ وتباسىلارىنا كٶمەك كٶرسەتۋگە قارسى ەمەس ەكەنٸن اتاپ ٶتتٸ. ولاردىڭ ايتۋىنشا, ەسكەري مٸندەتٸن اتقارۋ كەزٸندە قازا تاپقان ساربازداردىڭ وتباسىن ەڭ الدىمەن مەملەكەت قامتاماسىز ەتۋگە تيٸس.
