كاسپيي تەڭٸزٸندەگٸ وقۋ-جاتتىعۋ كەزٸندە امان قالعان 19 جاستاعى بەكەت مىرزاعاليەۆتٸڭ اناسى "اق جايىققا" بەرگەن سۇحباتىندا ۇلى اۋرۋحاناعا جاتقىزىلماعانىن, قازٸرگٸ جاعدايى جاقسى ەكەنٸن ايتتى, دەپ حابارلايدى dalanews.kz.
بەكەت - اتىراۋ وبلىسى ماحامبەت اۋىلىنىڭ تۋماسى. ول 2025 جىلعى 3 قازاندا ەسكەرگە شاقىرىلىپ, №29011 ەسكەري بٶلٸمٸندە قىزمەت ەتٸپ جٷرگەن.
اناسىنىڭ ايتۋىنشا, قايعىلى حاباردى ەستي سالا وتباسى بٸردەن اقتاۋعا جول تارتقان.
"اللاعا شٷكٸر, ۇلىم امان. تاڭەرتەڭ اقتاۋعا كەلٸپ, ٶز كٶزٸمٸزبەن كٶردٸك. ول دٸن امان, ٶزدٸگٸنەن جٷرٸپ-تۇرادى. سىن ساعاتتا ٶز كٷشٸمەن جاعاعا جەتكەن. قالعان جاعدايلار تەكسەرٸستەن كەيٸن بەلگٸلٸ بولادى. بالالارىمىز ەلٸ جاس, بۇل وقيعا ولاردىڭ ٶمٸر بويى ەسٸندە قالادى. بۇل - بٷكٸل قازاقستان ٷشٸن ٶتە اۋىر قايعى. قازٸر ەكە-شەشەلەرٸ قانداي كٷيدە ەكەنٸن سٶزبەن جەتكٸزۋ مٷمكٸن ەمەس. بارلىق قازا بولعان جٸگٸتتەردٸڭ ەكە-شەشەلەرٸنە شىن جٷرەكتەن قايعىرىپ كٶڭٸل ايتامىن. ەندٸ ەشكٸم مۇندايدى باستان كەشٸرمەسٸن", - دەدٸ قارلىعاش مىرزعاليەۆا.
