Kaspii teńizindegi oqý-jattyǵý kezinde aman qalǵan 19 jastaǵy Beket Myrzaǵalievtiń anasy "Aq Jaiyqqa" bergen suhbatynda uly aýrýhanaǵa jatqyzylmaǵanyn, qazirgi jaǵdaiy jaqsy ekenin aitty, dep habarlaidy dalanews.kz.
Beket - Atyraý oblysy Mahambet aýylynyń týmasy. Ol 2025 jylǵy 3 qazanda áskerge shaqyrylyp, №29011 áskeri bóliminde qyzmet etip júrgen.
Anasynyń aitýynsha, qaiǵyly habardy esti sala otbasy birden Aqtaýǵa jol tartqan.
"Allaǵa shúkir, ulym aman. Tańerteń Aqtaýǵa kelip, óz kózimizben kórdik. Ol din aman, ózdiginen júrip-turady. Syn saǵatta óz kúshimen jaǵaǵa jetken. Qalǵan jaǵdailar tekseristen keiin belgili bolady. Balalarymyz áli jas, bul oqiǵa olardyń ómir boiy esinde qalady. Bul - búkil Qazaqstan úshin óte aýyr qaiǵy. Qazir áke-shesheleri qandai kúide ekenin sózben jetkizý múmkin emes. Barlyq qaza bolǵan jigitterdiń áke-sheshelerine shyn júrekten qaiǵyryp kóńil aitamyn. Endi eshkim mundaidy bastan keshirmesin", - dedi Qarlyǵash Myrzǵalieva.
