Túrkistan oblysy Reseimen tyǵyz áriptestik qarym-qatynas ornatty
Jyl basynan beri Túrkistan oblysyna kóptegen sheteldik investorlar kelip, túrli kelsim-sharttarǵa qol qoiý bizdiń sózimizge aiqyn mysal bolady. Solardyń biri Reseiden kelip, Túrkistan oblysy sharýalarymen tyǵyz qarym-qatynasta jumys isteýge yqylas tanytqan «Fýdsib» kompaniiasynyń áreketin aitýǵa bolady. Búginde atalǵan kompaniia kóterme jáne bólshek saýda isimen ainalysady. Olar Túrkistan oblysyndaǵy aýyl sharýashylyq taýar óndirýshileriniń ónimderin Reseige eksporttaý arqyly eki el arasyndaǵy saýda-ekonomikalyq qatynastardy damytý múddelik tanytqan bolatyn. Qazirgi tańda eki jaqty kelsim aiasynda túrkistandyq sharýalar kórshe elge óndirgen ónimderin erkin eksporttap, eńbeginiń zeinetin kórip otyr.
Jalpy aýmaǵy 80 myń sharshy metrdi quraityn «Fýdsib» kóterme jáne bólshek saýda kesheni Reseidiń Novosibir qalasynda ornalasqan. Saýda keshenine TMD elderi men Reseidiń ózge de aimaqtarynan azyq-túlik taýarlary tasymaldanady. Atalǵan saýda ornynda salqyndatqysh qoimalar men demalys keshenderi, restorandar men 200 aýyr júk kóligine arnalǵan arnaiy turaq jumys isteidi. Jylyna munda 120 myń tonnaǵa jýyq kókónis pen jemis-jidek saýdalanady.
Aita keteiik, ótken jyly «OŃTÚSTIK» aimaqtyq investitsiialyq ortalyǵy men «Fýdsib» saýda kesheni arasynda ekijaqty yntymaqtastyq týraly memorandýmǵa qol qoiylyp, «RIC ON EXPORT» baǵdarlamasy iske asyrdy. Jobanyń basty maqsaty – aýylsharýashylyq ónimderin óndirýshileriniń eksporttyq áleýetin damytý bolyp tabylady. Atalǵan kelisim aiasynda Novosibir qalasyna ońtústikte óndirilgen aýyl sharýashylyǵy ónimderi jóneltilýde.
Ekijaqty kelisimge sai búginde «OŃTÚSTIK» AIO «RIC ON EXPORT» aýylsharýashylyq óndirýshileriniń eksporttyq áleýetin damytý baǵdarlamasynyń sheńberinde ortalyqpen qarjylandyrylǵan aýyl sharýashylyq taýar óndirýshileriniń qatysýymen «RIC ON KORME» atty turaqty kórme-jármeńke uiymdastyryp keledi.
Túrkistan oblysy ákiminiń baspasóz qyzmeti
